વાંકાનેરના સરતાનપર રોડે ગેસનું ટેન્કર પલ્ટી મારી જતાં માથામાં ગંભીર ઇજા થવાથી ડ્રાઈવરનું મોત
Morbi Today
ટંકારા મોરબી રોડે સમય કારખાના પાસે અજાણ્યા વાહને હડફેટે લેતા ઇજા પામેલા યુવાનનું મોત
SHARE
JOIN OUR GROUP
ટંકારા મોરબી રોડે સમય કારખાના પાસે અજાણ્યા વાહને હડફેટે લેતા ઇજા પામેલા યુવાનનું મોત
ટંકારા મોરબી હાઇવે ઉપર આવેલ સમય ઘડિયાળના કારખાના પાસેથી પસાર થઈ રહેલા યુવાનને અજાણ્યા વાહન ચાલાકે હડફેટે લીધો હતો જેથી કરીને તે યુવાનને માથામાં હેમરેજ અને શરીરે ઇજા થયેલ હતી જેથી તેને સારવારમાં ખસેડાયો હતો અને સારવાર દરમિયાન તે યુવાનનું મોત નીપજયું છે જેથી મૃતક યુવાનના ભાઈએ હાલમાં ટંકારા તાલુકા પોલીસ સ્ટેશન ખાતે અજાણ્યા વાહન ચાલક સામે ફરિયાદ નોંધાવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે
જાણવા મળતી વિગત મુજબ કચ્છ જિલ્લાના તોરણીયા ગામના રહેવાસી રામાભાઇ પેથાભાઇ બધાયા જાતે કોળી (ઉમર ૪૫) એ હાલમાં અજાણ્યા વાહન ચાલક સામે ટંકારા તાલુકા પોલીસ સ્ટેશન ખાતે ફરિયાદ નોંધાવી છે જેમાં તેમણે જણાવ્યું છે કે ગત તા. ૧૧/૧૦ ના સાંજના સાતેક વાગ્યાના અરસામાં તેમના ભાઈ વેલાભાઈ પેથાભાઇ બધાયા મોરબી ટંકારા હાઈવે રોડ ઉપર સમયના કારખાના પાસેથી પસાર થઈ રહ્યા હતા ત્યારે અજાણ્યા વાહન ચાલકે તેઓને હડફેટ લીધા હતા અને રસ્તા ઉપર નીચે પછાડીને નાસી ગયો હતો જેથી કરીને વેલાભાઈને માથામાં હેમરેજ અને શરીરે ઇજાઓ થઈ હોવાથી તેને હોસ્પિટલે સારવાર માટે લઈને ગયા હતા જો કે, સારવાર કારગત નહીં નીવડતા વેલાભાઇનું સારવાર દરમિયાન મોત નીપજયું હતું આ બનાવ સંદર્ભે મૃતકના ભાઈએ ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે અજાણ્યા વાહન ચાલક સામે ગુનો નોંધીને આરોપીને પકડવા માટે તજવીજ શરૂ કરી છે
