કોગ્રેસમાં રાબેતા મુજબ કકળાટ: મોરબીમાં કિશોર ચિખલિયા સામે સંગઠનના હોદેદારોનો વિરોધ
SHARE
JOIN OUR GROUP
કોગ્રેસમાં રાબેતા મુજબ કકળાટ: મોરબીમાં કિશોર ચિખલિયા સામે સંગઠનના હોદેદારોનો વિરોધ
મોરબી જિલ્લા પંચાયતના પૂર્વ પ્રમુખ કિશોર ચિખલિય આજે ભાજપ છોડીને પાછા કોગ્રેસમાં ખેસ ઘારણ કરવાના છે તે પહેલા જ કોગ્રેસમાં આંતરિક વિવાદ શરૂ થઈ ગયા હોય તેવો ઘાટ જોવા મળી રહ્યો છે અને કોંગ્રેસનાં સ્થાનિક આગેવાન તેમજ કાર્યકરોમાં ભારે વિરોધ હોવાનું ચર્ચાઇ રહ્યું છે
હાલમાં મોરબીના સોશ્યલ મીડિયામાં કોંગ્રેસનાં હોદેદારો દ્વારા મેસેજ વાઇરલ કરવામાં આવેલ છે જેમાં લખ્યું છે કે, કિશોરભાઇ ચિખલિયાએ અગાઉ અવાર નવાર ચૂંટણી સમયે કોગ્રેસ પક્ષને નુકસાન કરેલ છે અને મોરબી જિલ્લા પંચાયતના પ્રમુખ હતા ત્યારે પણ લાંચ લેવાનો કેસ થયેલ હતો અને પ્રમુખ બનવા માટે પણ તેને બળવો કર્યો હતો અને ધારાસભાની મોરર્બી બેઠકની પેટા ચૂંટણીમાં પણ કોગ્રેસ પક્ષને હરાવવા માટે ભાજપમાં જોડાયેલ હતા જેથી તકવાદી માણસોને કોંગ્રેસ પક્ષમાં લેતા પહેલા વિચાર કરવામાં આવે તેવી મોરબી જિલ્લાના કોગ્રેસના આગેવાનો દ્વારા લાગણી વ્યક્ત કરી રહ્યા છે અત્રે ઉલેખનીય છે કે, કિશોર ચિખલિયાના કોગ્રેસમાં આવવાના વિરોધમાં છે કોગ્રેસ પક્ષના સંગઠનના પ્રમુખો અને ફન્ટલ સેલના પ્રમુખો અને અન્ય સંગઠનના હોદેદરો કે આગેવાનો કાર્યકરો તેમની સાથે અમદાવાદ ખાતે પ્રદેશ કોંગ્રેસ કાર્યાલય ખાતે ગયેલ નથી
