મોરબીની નંબર વન શક્તિ ચોક ગરબીમાં માડી તારા અઘોર નગારા-તલવાર રાસ સહિતના રાસ ગરબાની રમઝટ
Morbi Today
મોરબી જિલ્લા કક્ષાની બાળ પ્રતિભાશોધ સ્પર્ધા વાંકાનેર ખાતે યોજાશે
SHARE
JOIN OUR GROUP
મોરબી જિલ્લા કક્ષાની બાળ પ્રતિભાશોધ સ્પર્ધા વાંકાનેર ખાતે યોજાશે
રમત-ગમત, યુવા અને સાંસ્કૃત્તિક પ્રવૃત્તિઓ વિભાગ, ગાંધીનગર દ્વારા પ્રેરિત, કમિશ્નરશ્રી, યુવક સેવા અને સાંસ્કૃતિક પ્રવૃતિઓની કચેરી, ગાંધીનગર દ્વારા આયોજીત તથા જિલ્લા યુવા વિકાસ અધિકારી, મોરબી દ્વારા સંચાલિત જિલ્લા કક્ષા બાળ પ્રતિભાશોધ સ્પર્ધા૨૦૨૨ -૨૩ નું આયોજન તા. ૬/૧૦ ના રોજ ગાયત્રી મંદિર વાંકાનેર ખાતે સવારે ૮:૦૦ કલાકે કરવામાં આવ્યું છે.
આ સ્પર્ધા અન્વયે નિબંધ તથા ચિત્રના વિષયો સ્થળ પર જ આપવામાં આવશે. જ્યારે વકૃત્વ સ્પર્ધાના વિષયો ૨૪ કલાક અગાઉ સ્પર્ધકને પોતાની સ્કુલમાંથી આપવવામાં આવશે. જિલ્લા કક્ષા બાળ પ્રતિભાશોધ સ્પર્ધા ૨૦૨૨-૨૩ અન્વયે ઉપરોક્ત સ્થળ તથા તારીખે ફોર્મ ભરેલ સ્પર્ધકોએ હાજર રહેવું તેમ જિલ્લા યુવા વિકાસ અધિકારી હિરલબેન વ્યાસની યાદીમાં જણાવવામાં આવ્યું છે.
વિના મુલ્યે તાલીમ વર્ગ યોજાશે
રોજગાર વિનિમય કચેરીઓ અને બોર્ડર સીક્યુરીટી ફોર્સના સંયુક્ત ઉપક્રમે ભુજ તથા ગાંધીધામ ખાતે ૩૦ દિવસના વિના મુલ્યે નિવાસી તાલીમ વર્ગનું આયોજન બોર્ડર સીક્યુરીટી ફોર્સ દ્વારા કરવામાં આવનાર છે. જેમાં ૧૭.૫ વર્ષથી ૨૩ વર્ષની ઉંમર, ૧૬૮ સેન્ટીમીટરની ઉંચાઇ અને ૭૭ સેન્ટીમીટરથી ૮૨ સેન્ટીમીટરની છાતી ધરાવતા (અપંગો સિવાય) ઉમેદવારો અરજી કરી શકે છે. સદર તાલીમ વર્ગમાં જોડાવવા ઇચ્છુક મોરબી જિલ્લાના ઉમેદવારોએ રોજગાર વિનિમય કચેરી, મોરબીને નિયત નમુનામાં શૈક્ષણિક લાયકાતના પ્રમાણપત્રો, ફોટો, આઇ.ડી.પ્રુફ, મેડિકલ સર્ટીફિકેટ, બેન્ક પાસબુક વગેરેની નકલો સાથે તાત્કાલિક અરજી કરવા અનુરોધ કરવામાં આવે છે. અરજી પત્રક રોજગાર વિનિમય કચેરી,મોરબી નવું સેવા સદન બીજો માળ રૂમનં ૨૧૫ માંથી વિના મુલ્યે મળી શકશે તેવું જિલ્લા રોજગાર અધિકારીની યાદીમાં જણાવાયું છે
