હળવદના કીડી ગામે જૂની અદાવતનો ખાર રાખીને વૃદ્ધને મહિલા સહિત ત્રણ વ્યક્તિએ માર માર્યો
SHARE
JOIN OUR GROUP
હળવદના કીડી ગામે જૂની અદાવતનો ખાર રાખીને વૃદ્ધને મહિલા સહિત ત્રણ વ્યક્તિએ માર માર્યો
હળવદના કીડી ગામે જૂની અદાવતનો ખાર રાખી વૃદ્ધને મહિલા સહિત ત્રણ વ્યક્તિએ માર માર્યો હતો જેથી કરીને ઇજા પામેલા વૃદ્ધએ સારવાર લીધે બાદ તેને હળવદ તાલુકા પોલીસ સ્ટેશને ફરિયાદ નોંધાવતાં પોલીસે ગુનો નોંધીને આગળની કાર્યવાહી કરેલ છે
હળવદના કીડી ગામે રહેતા ભુદરભાઇ પોપટભાઇ દલસાણીયાએ હાલમાં સતાભાઇ વેલાભાઇ મુંધવા, વિપુલભાઇ સતાભાઇ મુંધવા અને મુડીબેન સતાભાઇ મુંધવા સામે ફરિયાદ નોંધાવી છે જેમાં તેના જણાવ્યુ છે કે, તેની વાડી તથા સાતાભાઇની વાડી એક સેઢે આવેલ છે અને તે વાડીના રસ્તા બાબતે અગાઉ બોલાચાલી થઈ હતી અને સાતાભાઇએ તેમની સાથે ઝઘડો કરી માર માર્યો હતો. જો કે, ત્યાર બાદ સમાધાન થઈ ગયું હતું પરંતુ ગઈકાલે સાંજના સમયે ભુદરભાઇ બાઈક લઈને વાડીના મજુરો માટે કરીયાણું લેવા જતાં હતા ત્યારે સતાભાઇના દીકરા વિપુલએ તેને ધકકો મારીને પછાડી દીધા હતા. બાદમાં ઢીકા પાટુનો માર મારીને ગાળો આપી હતી અને ત્યારે ગામના માજી સરપંચ પ્રેમજીભાઇ ચતુરભાઇ ઉધરેજા ત્યાં આવ્યા હતા અને ભુદરભાઈને બચવાયા હતા જો કે, વિપુલે જતાં સમયે એવું કહ્યું હતું કે, “આજ તો ડોસા તું બચી ગયો નહીતર તને જાનથી મારી નાખીશ' તેવી ધમકી આપી હતી ત્યાર બાદ સાતાભાઈને રજૂઆત કરવા માટે ગયા હતા ત્યારે સાતાભાઈની પત્ની મુડીબેન એકદમ ઉશ્કેરાય ગયા હતા અને ભુદરભાઈ સાથે ઝપાઝપી કરીને ગાળો આપી હતી. જેથી હાલમાં ભુદરભાઇ પોપટભાઇ દલસાણીયાએ મહિલ સહિત ત્રણ સામે ફરિયાદ નોંધાવતાં પોલીસે ગુનો નોંધીને આરોપીને પકડવા માટે તજવીજ શરૂ કરી છે
