મોરબીના ઘુનડા રોડે ઘરમાંથી ૫૯ બોટલ દારૂ-૧૨ બિયરના ટીન સાથે બે ઝડપાયા
Morbi Today
મોરબીના શ્રી હરી પાર્કના બંધ મકાનમાંથી દાગીના-રોકડા મળીને ૩.૬૭ લાખથી વધુના મુદામાલની ચોરી
SHARE
JOIN OUR GROUP
મોરબીના શ્રી હરી પાર્કના બંધ મકાનમાંથી દાગીના-રોકડા મળીને ૩.૬૭ લાખથી વધુના મુદામાલની ચોરી
મોરબી નજીકના નાની વાવડી ગામે આવેલ શ્રી હરી પાર્કમાં રહેતા યુવાનના બંધ મકાનને તસ્કરે નિશાન બનાવ્યું હતું અને ઘરના તાળાં તોડીને ઘરમાંથી સોનાનો ચેન, સોનાનો સેટ, સોનાના પેંડાલ અને રોકડા રૂપિયા ૧.૦૫ લાખ આમ કુલ મળીને ૩.૬૭ લાખથી વધુના મુદામાલની ચોરી કરવામાં આવી છે જેથી કરીને ભોગ બનેલા યુવાને હાલમાં એ ડિવિઝન પોલીસ સ્ટેશને ચોરીની ફરિયાદ નોંધાવતાં પોલીસે આરોપીને પકડવા માટે ચક્રોગતિમાન કરેલ છે
બનાવની જાણવા મળતી માહિતી મુજબ મૂળ માળીયાના મેઘપર ગામના રહેવાસી અને હાલ શ્રી હરી પાર્ક સમજુબા સ્કુલ પાસે નાની વાવડી ગામે રહેતા વિનોદભાઈ કુંભાભાઈ સોંલકી જાતે દેવીપુજક (૩૫)એ અજાણ્યા શખ્સની સામે ચોરીની ફરિયાદ નોંધાવી છે જેમાં તેને જણાવ્યુ છે કે, તા ૮ ના રોજ રાતે ૧૦ વાગ્યાથી બીજા દિવસે સવાર સુધી તેનું ઘર બંધ હતું કેમ કે તે પોતાના ગામડે પિતૃકર્યામાં હાજરી આપવા માટે પરિવાર સાથે ગયા હતા ત્યારે અજાણ્યા શખ્સે તેના ઘરને નિશાન બનાવીને મકાનના તાળા તોડી ઘરમાં પ્રવેશ કરીને સોના દાગીનાના બોક્ષ ખોલી સોનાનો સેટ જેમા કાનની બુટી તેમજ ગળામા પહેરવાનો હાર (સેટ) જે બન્ને થઈને આશરે ૨૩ ગ્રામ, ગળામા પહેરવાનો સોનાનો ચેન આશરે ૧૨ ગ્રામ, સોનાનુ પેંડલ આશરે ૭ ગ્રામ, સોનાની વીંટી નંગ ત્રણ આશરે વજન ૧૧ ગ્રામ, ચાંદીના સાંકળા, ચાંદીની લકી, મંગળ સુત્ર, સોનાનુ પેંડલ ૧ વજન આશરે ૦.૫૬ ગ્રામ, ચાંદિનો ઝુડો વજન આશરે ૧.૫૨, કાનમા પહેરવાની સોનાની બુટી આશરે ૧૦ ગ્રામ અને રોકડા રૂપીયા ૧૦૫૦૦૦ આમ કુલ મળીને ૩,૬૭,૭૫૦ ના મુદામાલની ચોરી કરવામાં આવી છે જેથી કરીને ભોગ બનેલા યુવાને નોંધાવેલ ફરિયાદ આધારે પોલીસે આઇ.પી.સી કલમ ૩૮૦, ૪૫૪, ૪૫૭ મુજબ ગુનો નોંધીને આગળની કાર્યવાહી કરેલ છે
