મોરબીની નીલકંઠ કોમર્સ સ્કૂલના વિદ્યાર્થીઓએ કરી અજંતા કલોકની મુલાકાત
SHARE
JOIN OUR GROUP
મોરબીની નીલકંઠ કોમર્સ સ્કૂલના વિદ્યાર્થીઓએ કરી અજંતા કલોકની મુલાકાત
શિક્ષણની સાથે પ્રેકટીકલ પ્રવૃત્તિમાં પણ અગ્રેસર રહેતી એકમાત્ર કોમર્સ સ્કૂલ અને શિક્ષણ જગતમાં હર હંમેશ નવું આપનાર નીલકંઠ કોમર્સ સ્કૂલ દ્વારા અજંતા ઇન્ડિયા લમિટેડની મુલાકાત કરવામાં આવી હતી.
'નળિયું,તળિયું અને ઘડિયું' નાં સૂત્રથી પ્રખ્યાત એવા આપણા મોરબીનું નાક ગણાતો ઉદ્યોગ એટલે અજંતા કલોક જેમણે સ્ત્રીઓને રોજગાર પૂરું પાડી, વિશ્વકક્ષાએ પોતાનું નામ ઉજ્જવળ કર્યું.જેમનો દેશની અર્થવ્યવસ્થામાં પણ અમૂલ્ય ફાળો રહ્યો છે.આવા ઉદ્યોગથી પરિચિત કરવા હરહંમેશની જેમ મોખરે રહેતી નીલકંઠ કોમર્સ સ્કૂલનાં ધોરણ ૧૧-૧૨ કોમર્સનાં વિદ્યાર્થીઓએ અજંતા કલોકની મુલાકાત લીધી અને અનેક પ્રકારની જ્ઞાનસભર માહિતી મેળવી હતી. જેમાં વિદ્યાર્થીઓ ઉત્પાદનથી માંડીને વેચાણની પદ્ધતિથી માહિતગાર બન્યા હતા.વધુમાં આકર્ષક ઓફરનો લાભ લઇ ઘડિયાળની ખરીદી કરી સ્વદેશી બનાવટને પ્રોત્સાહન પૂરું પાડ્યું હતુ.
આ કંપની વિઝીટનો હેતુએ હતો કે કંપની વિજીટ થકી વિદ્યાર્થીઓને કંપનીની સ્થાપના, કાર્યપદ્ધતિ, સક્સેસ સ્ટોરી, મેનેજમેન્ટ, ઉત્પાદન, માર્કેટિંગ વગેરે આયામોથી માહિતગાર કરવામાં આવે છે.જેથી તેમના વિચારોને નવી દિશા મળે અને પોતાના સપના ઓ સાકાર કરવામાં મદદરૂપ થાય.અજંતા ઇન્ડિયા લમિટેડના હોદ્દેદારો દ્વારા વિદ્યાર્થીઓને સેલ્સ, ખરીદી, ફાઈનાન્સિયલ, પ્રોડક્શન વગેરે ડિપાર્ટમેન્ટની કાર્ય પધ્ધતિથી માહિતગાર કરાવવામાં આવ્યા અને ભવિષ્યમાં સફળ બિઝનેસમેન કઈ રીતે બનવું તેના વિશે વિદ્યાર્થીઓને પ્રેરણા આપવામાં આવી હતી
