મોરબીમાં પછાત વિસ્તારનાં બાળકોને પીઝા-દાબેલી જમાડીને જન્મદિન ઉજવ્યો
Morbi Today
મોરબીમાં ૨.૧૫ લાખની ઘરફોડ ચોરીના ગુનામાં એક ઝડપાયો, બેની શોધખોળ
SHARE
JOIN OUR GROUP
મોરબીમાં ૨.૧૫ લાખની ઘરફોડ ચોરીના ગુનામાં એક ઝડપાયો, બેની શોધખોળ
મોરબી શહેરના રવાપર રોડ ઉપર આવેલ બેંક ઓફ બરોડા વાળી શેરીમાં રહેતા યુવાનનું ઘર બંધ હતું ત્યારે તસ્કરે તેના ઘરને નિશાન બનાવ્યું હતું અને ઘરમાંથી રોકડા રૂપિયા, સોનાની બુટી અને મહિલાના કપડા સહિત કુલ મળીને ૨૧૫૫૦૦ રૂપિયાથી વધુના મુદ્દામાલની ચોરી કરવામાં આવી હતી જેથી કરીને યુવાન દ્વારા મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવી હતી જેના આધારે પોલીસે સીસીટીવી કેમેરાના આધારે એક આરોપીની ધરપકડ કરવામાં આવી છે અને બે આરોપીને પકડવા માટે તજવીજ ચાલુ છે
મોરબીના રવાપર રોડ ઉપર આવેલ બેંક ઓફ બરોડા વાળી શેરીમાં રહેતા સંજયભાઈ ભોગીલાલભાઈ વોરા ગત જન્માષ્ટમી ઉપર રજાઓ હોવાથી બહારગામ ગયા હતા જેથી કરીને તેઓનું ઘર બંધ હતું અને રવિવારે રાત્રિના એકાદ વાગ્યે તેઓ પોતાના ઘરે પરત પહોંચ્યા ત્યારે તેઓના ઘરના દરવાજા ખુલ્લા હતા અને તાળા તૂટેલા હતા અને ચોરી કરવામાં આવી હતી જેથી કરીને સંજયભાઈ વોરાએ મોરબી સિટી એ ડિવિઝન પોલીસ સ્ટેશન ખાતે ચોરીની ફરિયાદ નોંધાવી હતી કે, તા ૧૯ ની સાંજના પાંચ વાગ્યાથી લઈને તા ૨૧ ના રાતના એક વાગ્યા સુધી તેનું ઘર બંધ હતું ત્યારે બંધ ઘરને તસ્કરે નિશાન બનાવીને તેના ઘરના તાળા તોડીને ઘરની અંદર પ્રવેશ કર્યો હતો અને ત્યારબાદ તેઓના ઘરમાં તેઓની પત્ની, માતા તેમજ સંતાનની બચતની રકમના કુલ મળીને ૧.૮૫ લાખ રૂપિયા તેમજ અંદાજે ૩૦૦૦૦ રૂપિયાની કિંમતની સોનાની બુટી, મહિલાના ૧૮ જોડી કપડા અને એક મોબાઇલ ફોન આમ કુલ મળીને ૨૧૫૫૦૦ ની કિંમતમાં મુદ્દામાલની ચોરી કરવામાં આવેલ છે જેથી યુવાને નોંધવેલ ફરિયાદ આધારે પોલીસે આરોપીની શોધખોળ શરૂ કરી હતી અને હાલમાં આ ગુનામાં પ્રકાશ રાનેભાઈ ટમટતા (૨૫) રહે. હાલા વિટીસી કોમ્પ્લેક્ષ મૂળ રહે નેપાળ વાળાની ધરપકડ કરેલ છે અને તેની પાસેથી પોલીસે રોકડા ૯૦૦૦૦ રૂપિયા કબજે કરેલ છે આ ગુનામાં તેની સાથે ઉતમ શાહી અને વસંતબેન શાહી રહે. બને નેપાળ વાળા સામેલ હોય તેની સામે ગુનો નોંધીને તેને પકડવા માટે પોલીસે તજવીજ શરૂ કરી છે
