મોરબી સિવિલ હોસ્પિટલના પાર્કિંગમાંથી બાઈકની ચોરી

મોરબીની સિવિલ હોસ્પિટલના પાર્કિંગમાં પાર્ક કરવામાં આવેલ બાઇકની અજાણ્યા શખ્સ દ્વારા ચોરી કરવામાં આવેલ છે જેથી ભોગ બનેલા યુવાન દ્વારા હાલમાં મોરબી સીટી એ ડિવિઝન પોલીસ સ્ટેશન ખાતે બાઈક ચોરીની ફરિયાદ નોંધવામાં આવેલ છે જેના આધારે પોલીસે ગુનો નોંધીને આરોપીને પકડવા માટે તજવીજ શરૂ કરી છે

મોરબી નજીકના મહેન્દ્રનગર ગામે આવેલ ધર્મ મંગલ સોસાયટીમાં રહેતા અને ટ્રાન્સપોર્ટનું કામ કાજ કરતા જલ્પનભાઈ હિરજીભાઈ અઘેરા જાતે પટેલ (ઉંમર ૩૪)એ પોતાનું બાઈક નંબર જીજે ૧૦ સીસી ૧૯૬૧ લઈને મોરબીની સિવિલ હોસ્પિટલે આવ્યા હતા અને ત્યાં તેઓએ પોતાનું બાઈક પાર્ક કરીને મૂક્યું હતું જે બાઈકને પાર્કિંગમાંથી કોઈ શખ્સ ચોરી કરી ગયેલ છે જેથી ભોગ બનેલા જલ્પનભાઈ અઘેરા દ્વારા હાલમાં મોરબી સીટી એ ડિવિઝન પોલીસ સ્ટેશન ખાતે ૨૫૦૦૦ રૂપિયાની કિંમતનું બાઈક ચોરી થયું હોવાની ફરિયાદ નોંધાવવામાં આવી છે જેના આધારે પોલીસે ચોરીનો ગુનો નોંધીને આરોપીને પકડવા માટે તજવીજ શરૂ કરી છે