સાવધાન: મોરબીમાં ગૌશાળાના નામે રૂપિયાના ઉઘરાણા !

હાલમાં શ્રાવણ મહિનો ચાલી રહ્યો છે અને આ માહિનામાં લોકો વધુ દાન પુણ્ય કરતાં હોય છે ત્યારે મોરબી શહેરમાં ગૌશાળા અને ધાર્મિક સંસ્થાના ખોટા નામ લઈને રૂપિયાના ઉઘરાણા કરતી ગેંગ સક્રિય હોવાની વિગતો સામે આવી છે જેથી કરીને આ ગેંગને પકડવા માટે પોલીસ દ્વારા લોકોની મદદ માંગવામાં આવી છે
મોરબી સિટી એ ડિવિઝન પીઆઇ બી.પી. સોનારાએ સોશિઅલ મીડિયામાં એક ફોટો મૂકીને લખ્યું છે કે, શહેરમાં ગૌશાળા અને ધાર્મિક સંસ્થાના ખોટા નામ લઈને રૂપિયાના ઉઘરાણા હાલમાં ગેંગ દ્વારા કરવામાં આવી રહ્યા છે ત્યારે આ ગેંગના સાગરીતો જો ગૌશાળા કે ધાર્મિક સંસ્થાના નામે રૂપિયા લેવા માટે આવે તો તુરંત પોલીસને જાણ કરવા માટે જાહેર જનતાને અપીલ કરી છે