મોરબીની ભાગ્યલક્ષ્મી સોસાયટીમાં એકટીવા ચલાવવાની બાબતે થયેલ મારા મારીના પિતા-પુત્રની ધરપકડ

મોરબી શહેરના સામાકાંઠા વિસ્તારમાં વેજીટેબલ રોડ ઉપર આવેલ ભાગ્યલક્ષ્મી સોસાયટીમાં એકટીવા ધીમું ચલાવવા માટે થઈને ઠપકો આપ્યો હતો તે વાતના મનદુઃખને લઈને બે પરિવાર વચ્ચે મારામારીનો બનાવ બન્યો હતો અને સામસામી ફરિયાદો પણ નોંધાઈ હતી હાલમાં એક ફરિયાદમાં મોરબી સીટી બી ડિવિઝન પોલીસ દ્વારા પિતા પુત્રની ધરપકડ કરવામાં આવેલ છે

જાણવા મળતી વિગત પ્રમાણે મોરબી શહેરના સામાકાંઠા વિસ્તારમાં આવેલ વેજીટેબલ રોડ ઉપર ભાગ્યલક્ષી સોસાયટીમાં રહેતા વનરાજસિંહ ભુપતસિંહ ઝાલા (૬૧)એ ધ્રુવરાજસિંહ કનકસિંહ જાડેજા અને કનકસિંહ જાડેજાની સામે ફરિયાદ નોંધાવી હતી જેમાં જણાવ્યુ હતું કે, ધ્રુવરાજસિંહ જાડેજા તેઓના ઘર પાસે શેરીમાંથી એકટીવા સ્પીડમાં ચલાવીને નીકળ્યા હતા જેથી તેને એકટીવા ધીમુ ચલાવવા માટે ઠપકો આપ્યો હતો તે વાતનું મનદુઃખ રાખીને ધ્રુવરાજસિંહ અને તેના પિતા કનકસિંહ તેના ઘર પાસે આવ્યા હતા અને ગાળો આપી હતી અને ત્યારબાદ ધોકા વડે માર માર્યો હતો ત્યારે માથામાં ઇજા થઈ હતી જેથી ઈજા પામેલા વનરાજસિંહ ઝાલાને સારવારમાં લઈ જવામાં આવ્યા હતા અને ત્યારબાદ તેને ફરિયાદ નોંધાવી હતી જેના આધારે પોલીસે ધ્રુવરાજસિંહ કનકસિંહ જાડેજા (૨૧) અને કનકસિંહ તખુભા જાડેજા (૫૮) રહે. બંને ભાગ્યલક્ષ્મી સોસાયટી વાળાની ધરપકડ કરેલ છે