નવલખી પોર્ટે જયદીપ કંપનીના કોલસામાંથી ખોટા ટોકન અને આઉટ ગેટ પાસ આધારે ૩.૩૨ લાખની છેતરપિંડી
Morbi Today
હળવદનાં કેદારીયામાં બાઇક ઝડપથી કેમ ચલાવે છે તેવું કહીને યુવાન ઉપર છ શખ્સોએ કર્યો ધોકા-ધારિયા વડે હુમલો
SHARE
JOIN OUR GROUP
હળવદનાં કેદારીયામાં બાઇક ઝડપથી કેમ ચલાવે છે તેવું કહીને યુવાન ઉપર છ શખ્સોએ કર્યો ધોકા-ધારિયા વડે હુમલો
હળવદ તાલુકાનાં કેદારીયા ગામમાંથી યુવાન તેનું બાઇક લઈને વાડીએથી ઘરે જતો હતો ત્યારે રામજી મંદિર પાસે તેના બાઇકને ત્રણ શખ્સે રોક્યું હતું અને કેમ ઝડપી બાઇક ચલાવે છે તેવું કહીને ધોકા અને ધારિયા વડે હુમલો કર્યો હતો અને મારામારીના આ બનાવમાં કુલ છ લોકોને નાના મોટી ઇજા થઈ હતી જેથી કરીને ઇજાગ્રસ્તોને સારવારમાં ખસેડાયા હતા અને ભોગ બનેલા યુવાને છ શખ્સોની સામે હળવદ તાલુકા પોલીસ સ્ટેશને ફરિયાદ નોંધાવતાં પોલીસે જુદીજુદી કલામ હેઠળ ગુનો નોંધીને આરોપીઓને પકડવા માટે આગળની કાર્યવાહી હાથ ધરી છે
જાણવા મળતી માહિતી મુજબ હળવદ તાલુકાનાં કેદારીયા ગામે રહેતા કાન્તીભાઈ અમરાભાઈ પોરડીયા જાતે કોળી (૪૦) એ હાલમાં વિષ્ણુભાઈ જાદુભાઈ કોળી, જાદુભાઈ ભીખાભાઈ કોળી, જયંતીભાઈ જાદુભાઈ કોળી, કિશનભાઈ જાદુભાઈ કોળી, મુન્નાભાઈ વિઠ્ઠલભાઈ કોળી અને જાદુભાઈ વિઠ્ઠલભાઈ કોળી રહે. તમામ કેદારીયા વાળાની સામે ફરિયાદ નોંધાવી છે જેમાં તેને જણાવ્યુ છે કે, તે પોતાનું મોટર સાયકલ લઈને વાડીએથી નીકળી ગામમા રામજી મંદિર ચોકમા આરોપી વિષ્ણુભાઈ જાદુભાઈ કોળી, જાદુભાઈ ભીખાભાઈ કોળી અને જયંતીભાઈ જાદુભાઈ કોળીએ તેને રોકીને કેમ મોટર સાયકલ ઝડપી ચલાવે છે તેમ કહીને ધોકાવડે આડેધડ માર માર્યો હતો અને આરોપી જાદુભાઈ ભીખાભાઈ કોળીએ ધારીયા વડે ચેતનભાઈને ડાબી બાજુ કાનથી ઉપર માથામાં ઘા મારી ઇજા કરી હતી ત્યાર બાદ આરોપી કિશનભાઈ જાદુભાઈ કોળી, મુન્નાભાઈ વિઠ્ઠલભાઈ કોળી અને જાદુભાઈ વિઠ્ઠલભાઈ કોળી ત્યાં આવ્યા હતા અને ધોકા વડે પ્રવિણભાઈને શરીરે આડેધડ ઘા માર્યા હતા અને તમામ આરોપીએ ગાળો આપીને જાનથી મારી નાખવાની ધમકી આપી હતી જેથી કરીને યુવાને ફરિયાદ નોંધાવતાં પોલીસે આઇ.પી.સી. કલમ ૩૨૩, ૫૦૪, ૫૦૬(૨), ૩૨૪, ૩૨૫, ૧૧૪ તથા જી.પી.એક્ટ કલમ ૧૩૫ મુજબ ગુનો નોંધીને આગળની કાર્યવાહી કરેલ છે
