મોરબીના રફાળેશ્વર પાસે કાર ચાલકે બાઇકને હડફેટે લેતા દંપતી-ત્રણ સંતાન ઇજાગ્રસ્ત
Morbi Today
મોરબીની શક્તિ સોસાયટીમાં યુવાનને અજાણ્યા શખ્સે પડખામાં છરીનો ઘા ઝીકયો
SHARE
JOIN OUR GROUP
મોરબીની શક્તિ સોસાયટીમાં યુવાનને અજાણ્યા શખ્સે પડખામાં છરીનો ઘા ઝીકયો
મોરબી શહેરના સામાકાંઠા વિસ્તારમાં આવેલ ઉમિયાનગર પાસે શક્તિ સોસાયટીમાં યુવાનને રાત્રિના દસેક વાગ્યાના અરસામાં કોઈ અજાણ્યા શખ્સ દ્વારા પડખાના ભાગે છરીનો ઘા ઝીકિ દેવામાં આવ્યો હતો જેથી તેને પ્રાથમિક સારવાર મોરબીમાં આપ્યા બાદ વધુ સારવાર માટે રાજકોટ ખસેડવામાં આવેલ છે અને હાલમાં આ બનાવની મોરબી સીટી બી ડિવિઝન પોલીસને જાણ કરવામાં આવતા પોલીસે આગળની રાબેતા મુજબની કાર્યવાહી હાથ ધરી છે
જાણવા મળતી વિગત પ્રમાણે મોરબી શહેરના સામાકાંઠા વિસ્તારમાં સોઓરડીની પાછળના ભાગમાં આવેલ ઉમિયાનગર નજીક શક્તિ સોસાયટીમાં રહેતા મુકેશભાઈ મનજીભાઈ સોલંકી (૩૦) રાત્રિના દસેક વાગ્યાના અરસામાં અશોક પાન પાસે ઊભા હતા ત્યારે કોઈ અજાણ્યા શખ્સ દ્વારા તેને પડખાના ભાગે છરીનો ઘા ઝીકિ દેવામાં આવ્યો હતો જેથી ઇજાગ્રસ્ત મુકેશભાઈ સોલંકીને પ્રથમ સારવાર મોરબીમાં આપ્યા બાદ વધુ સારવાર માટે રાજકોટની સિવિલ હોસ્પિટલ ખાતે લઈ ગયા છે અને આ બનાવની મોરબી સીટી બી ડિવિઝન પોલીસે જાણ કરવામાં આવતા પોલીસે બનાવની નોંધ કરીને ફરિયાદ લેવા માટે તજવીક શરૂ કરેલ છે
મારામારીમાં ઇજા
મોરબી શહેરના પંચાસર રોડ ઉપર આવેલ નીરવ પાર્ક સોસાયટીમાં રહેતા ગુંજનબેન ભરતભાઈ કંઝારીયા (૧૮) ને તેઓના ઘર પાસે થયેલ મારામારીના બનાવવામાં ઈજા થઈ હોવાથી સારવાર માટે મોરબીની ખાનગી હોસ્પિટલમાં ખસેડવામાં આવેલ છે અને મારામારીના આ બનાવની મોરબી સીટી એ ડિવિઝન પોલીસને જાણ કરવામાં આવતા પોલીસે રાબેતા મુજબની કાર્યવાહી હાથ ધરી હતી
વાહન અકસ્માત
વાંકાનેર તાલુકાના નવા ઢુવા ગામ પાસે વાહન અકસ્માતના બનાવમાં શૈલેષભાઈ રામજીભાઈ માલકીયા (૩૬) રહે. નવા ઢુવા વાળાને ઇજા થયો હોવાથી તેને મોરબી શહેરમાં આવેલ આયુષ હોસ્પિટલ ખાતે સારવારમાં ખસેડવામાં આવેલ છે અને અકસ્માતના બનાવવાની પોલીસને જાણ કરતા પોલીસે બનાવવાની નોંધ કરી આગળની કાર્યવાહી હાથ ધરી હતી
દવા પી ગયો
મોરબી શહેરના સનાળા રોડ ઉપર આવેલ સ્કાય મોલ સામે સમયસિંગ મીના (૪૦) રહે. સનાળા રોડ લીમડા પાન વાળી શેરી વાળો કોઈ કારણોસર અજાણી દવા પી જતા તેને સારવાર માટે મોરબીના સનાળા રોડ પર આવેલ ક્રિષ્ના હોસ્પિટલમાં લઈ જવામાં આવ્યો હતો અને આ બનાવની મોરબી સીટી એ ડિવિઝન પોલીસને જાણ કરવામાં આવતા પોલીસે રાબેતા મુજબની કાર્યવાહી હાથ ધરી હતી
