મોરબીમાં કાલે લલિત કગથરાને આવકારવા યોજાનાર રેલીમાં પ્રદેશ પ્રમુખ જગદીશ ઠાકોર હાજર રહેશે

મોરબી જિલ્લા કોંગ્રેસનાં માજી પ્રમુખ અને હાલમાં ટંકારા-પડધરીના ધારાસભ્ય લલિત કગથરાને ગુજરાત કોંગ્રેસના કાર્યકારી પ્રમુખ બનાવવામાં આવ્યા છે જેથી મોરબી જિલ્લા કોંગ્રેસ દ્વારા કાલે મંગળવારે મોરબીમાં તેનું ભવ્ય સ્વાગત, બાઈક રેલી અને સભાનું આયોજન કરવામાં આવ્યું છે જેમાં પ્રદેશના પ્રમુખ જગદીશ ઠાકોર પણ હાજર રહેવાના છે

મોરબી જિલ્લા કોંગ્રેસનાં પ્રમુખ જયંતિભાઈ પટેલ, તાલુકા કોંગ્રેસનાં પ્રમુખ કે.ડી.પડસુંબિયા અને શહેર કોંગ્રેસનાં પ્રમુખ રાજુભાઇ કાવરે માહિતી આપતા જણાવ્યુ છે કે, મોરબી જિલ્લા કોંગ્રેસનાં માજી પ્રમુખ અને ટંકારા પડધરીના ધારાસભ્ય લલિત કગથરાને મોરબીમાં આવકારની સાથે બાઇક રેલી અને સભાનું આયોજન કરવામાં આવ્યું છે અને તા ૧૯ જુલાઈના રોજ સવારે ૧૦ કલાકે રામધન આશ્રમ (મહેન્દ્રનગર)થી દ્વારકેશ પાર્ટી પ્લોટ સુધી બાઈક રેલી યોજાશે જે આ બાઇક રેલીમાં શહેર, તાલુકા અને જિલ્લામાંથી કોંગ્રેસના આગેવાનો, હોદ્દેદારો અને કાર્યકરો જોડાશે વધુમાં માહિતી આપતા તેમણે જણાવ્યુ હતું કે, આ બાઇક રેલી અને સભામાં ગુજરાત પ્રદેશ કોંગ્રેસનાં પ્રમુખ જગદીશ ઠાકોર પણ હાજર રહેવાના છે