મોરબીના રંગપર પાસે સિરામિક કારખાનામાં ચક્કર આવતા પડી જવાથી બાળકનું મોત
Morbi Today
માળીયા (મિ)નાં રોહીશાળા પાસે આવેલ શાઇન માઇકા લેમીનેટના માલીક સામે પાણીચોરીની ફરિયાદ
SHARE
JOIN OUR GROUP
માળીયા (મિ)નાં રોહીશાળા પાસે આવેલ શાઇન માઇકા લેમીનેટના માલીક સામે પાણીચોરીની ફરિયાદ
માળીયા મિયાણાં તાલુકાનાં રોહીશાળા ગામની સીમમાં આવેલા શાઇન માઇકા લેમીનેટ પ્રા.લી.કંપનીના માલીક દ્વારા ઢાંકીથી માળીયા આવતી પાણીની લાઇનમાંથી ગેરકાયદે કનેક્શન લીધું હતુ જેથી કરીને હાલમાં કોન્ટ્રાકટરના માણસ દ્વારા કારખાનાના માલિક સહિત તપાસમાં જેના નામ સામે આવે તેની સામે ફરિયાદ નોંધાવતાં પોલીસે ગુનો નોંધીને આરોપીને પકડવા માટે ચક્રોગતિમાન કરેલ છે
બનાવની જાણવા મળતી માહિતી મુજબ હળવદમાં ઇન્ડીયન પેટ્રોલપંપની પાછળ આવેલા દિવ્યા પાર્ક-૨ માં રહેતા પરસોતમભાઇ દુદાભાઇ વાછાણી જાતે પટેલ (ઉ.૫૦)એ હાલમાં શાઇન માઇકા લેમીનેટ પ્રા.લી.કંપનીના માલીક શાંતીલાલ વીરપરા તથા તપાસમા જેના નામા ખુલે તે તમામ સામે ફરિયાદ નોંધાવી છે જેમાં તેને જણાવ્યુ છે કે, ગત તા.૨૧/૬/૨૦૨૨ ના પહેલાથી રોહીશાળા ગામની સીમમાં આવેલા શાઇન માઇકા લેમીનેટ પ્રા.લી.કંપનીના માલીક દ્વારા રોહીશાળા સી સવૅ નં.૧૨૧ પેકી-૨ મા તેની કંપનીમાં જી.ડબલ્યુ.આઇ.એલ.ની ઢાંકીથી માળીયા આવતી એન.સી. ૩૧ પાઇપ લાઇનમાથી પાણીચોરી કરવા માટે ૪૦ મી.મી.વ્યાસ વાળી પાઇપથી ગેરકાયદે કનેકશન આપી પોતાની કંપનીના ઉપયોગ માટે તેમજ પોતાની કંપનીના માણસોના ઉપયોગ કરવા માટે પાણી ચોરી કરેલ છે તેમજ પાણીનો પુરવઠામા ઘટાડો થાય, પાણીનો બગાડ થાય અને પાઇપ લાઇનને નુકશાન થાય તેવું કૃત્ય કરેલ છે જેથી કરીને કોન્ટ્રાકટરના માણસ દ્વારા નોંધાવવામાં આવેલ ફરિયાદ આધારે પોલીસે આઇપીસી કલમ-૪૩૦ તથા ગુજરાત ઘર વપરાશી પાણી પુરવઠા અધિનિયમ-૨૦૧૯ કલમ ૧૧ મુજબ ગુનો નોંધીને આગળની કાર્યવાહી કરેલ છે
ચાર બોટલ દારૂ
મોરબી માળીયા હાઇવે ઉપર આવેલ ભરતનગર ગામથી પાવળીયારી તરફ જતી કેનાલના રસ્તા ઉપરથી પસાર થતાં બાઈકને રોકીને પોલીસ દ્વારા ચેક કરવામાં આવતા તે બાઈક ઉપર જતા બે શખ્સ પાસેથી દારૂની ચાર બોટલ મળી આવી હતી જેથી કરીને પોલીસે ૧૨૦૦ રૂપિયાની કિંમતનો દારૂનો જથ્થો તેમજ નંબર પ્લેટ વગરનું બાઈક જેની કિંમત ૨૫૦૦૦ રૂપિયા આમ કુલ મળીને ૨૬૨૦૦ ના મુદ્દામાલ સાથે પોલીસે કેશુભાઈ છનાભાઈ ખીમસુરીયા (ઉંમર ૩૫) અને અલ્પેશભાઈ નાગજીભાઈ ચાવડા (ઉંમર ૨૪) રહે. બંને બાસ્કો સેનેટરી વેર રવાપર નદી વાળાની ધરપકડ કરેલ છે
