લો બોલો ધોળા દિવસે મોરબીના રવાપર રોડે સ્કૂટરની ડેકીમાંથી રોકડા ૧૦.૫૮ લાખની ચોરી
Morbi Today
મોરબીના રંગપર પાસે સિરામિક કારખાનામાં ચક્કર આવતા પડી જવાથી બાળકનું મોત
SHARE
JOIN OUR GROUP
મોરબીના રંગપર પાસે સિરામિક કારખાનામાં ચક્કર આવતા પડી જવાથી બાળકનું મોત
મોરબીના જેતપર રોડ ઉપર આવેલ રંગપર ગામની સીમમાં સિરામિક કારખાનામાં ચક્કર આવતા પડી ગયેલા બાળકનું મોત નીપજયું હતું જેથી કરીને તેના મૃતદેહને મોરબીની સિવિલ હોસ્પિટલ ખાતે પીએમમાં લઈને આવ્યા હતા અને અકસ્માત મૃત્યુના બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી શરૂ કરી હતી
જાણવા મળતી વિગત પ્રમાણે મોરબીના જેતપર રોડ ઉપર આવેલ રંગપર ગામની સીમમાં સુપર ગ્રીન સીરામીકની અંદર સંજીવભાઈ હુરયભાઈ વાલ્મિકી (ઉંમર ૧૩) નામના બાળકને ચક્કર આવતા કારખાનામાં તે પડી ગયો હતો જેથી કરીને તેનું મોત નીપજયું હતું અને ત્યારબાદ તેના મૃતદેહને પ્રદીપભાઈ મોરબીની સિવિલ હોસ્પિટલ ખાતે લઈને આવ્યા હતા અને આ બનાવની મોરબી તાલુકા પોલીસને જાણ કરવામાં આવી હતી જેથી કરીને પોલીસ દ્વારા બનાવની નોંધ કરીને આગળની રાબેતા મુજબની કાર્યવાહી હાથ ધરવામાં આવી છે
સાપ કરડી જતા સારવારમાં
માળીયા મિંયાણા તાલુકાના વાધરવા ગામે નરસિંહભાઈ ટીટીયાભાઇ મન નામના ૩૬ વર્ષના યુવાનને સાપ કરડી જતા તેને સારવાર માટે અહીં સિવિલ હોસ્પિટલે લાવવામાં આવ્યો હતો.જ્યારે હળવદ તાલુકાના પલાસણ ગામે રહેતા નવઘણભાઈ જીવાભાઈ વિઠલાપરા નામના ૩૫ વર્ષના યુવાને કોઈ અગમ્ય કારણસર તેની વાડીએ ઝેરી દવા પી લીધી હતી જેથી તેને સારવાર માટે અત્રેની મંગલમ હોસ્પિટલે લાવવામાં આવ્યો હતો.જેથી એ ડિવિઝન પોલીસ મથકના પી.એચ.બોરાણાએ પ્રાથમિક તપાસ કરીને બનાવ સંદર્ભે હળવદ પોલીસને જાણ કરતા હળવદ પોલીસે આ અંગે આગળની તપાસ હાથ ધરી છે.
બાળક સારવારમાં
મોરબીના હળવદ તાલુકામાં આવતા ઇસનપુર ગામે વાડી વિસ્તારમાં બાઇકમાં જઈ રહેલ કૃપાલ હસમુખભાઈ પરમાર નામના ૧૫ વર્ષીય બાળકને ઇજાઓ તથા સારવારમાં મોરબી લાવવામાં આવ્યો હતો.કૃપાલ બાઈકમાં જતો હતો દરમિયાનમાં વાડી વિસ્તારમાં તેઓનું બાઈક સ્લીપ થઈ જતા ઇજાઓ થવાથી તેને સારવારમાં લાવવામાં આવ્યો હતો.
