મોરબીના બેલા ગામે મૈત્રી કરાર કરનારા યુવાન સામે બે શખ્સે રિવોલ્વર તાકીને કર્યા બે રાઉન્ડ ફાયરિંગ
SHARE
JOIN OUR GROUP
મોરબીના બેલા ગામે મૈત્રી કરાર કરનારા યુવાન સામે બે શખ્સે રિવોલ્વર તાકીને કર્યા બે રાઉન્ડ ફાયરિંગ
મોરબી તાલુકાનાં બેલા (રંગપર) ગામે રહેતા યુવાને મૈત્રી કરાર કરેલ છે તે બાબતનો ખાર રાખીને બેલા ગામની સીમમાં ખહલી માતાના મંદીર પાસે બે શખ્સો તેની પાસે આવ્યા હતા અને મૈત્રી કરાર છોડી દેજે તેમ કહીને રિવોલ્વર તાકી હતી અને આટલી જ વાર લાગશે તેમ કહીને બે રાઉન્ડ ફાયરિંગ કર્યા હતા અને જાનથી મારી નાખવાની ધમકી આપી હતી જેથી ભોગ બનેલા યુવાને હાલમાં મોરબી તાલુકા પોલીસ સ્ટેશને બે શખ્સોની સામે ફરિયાદ નોંધવાતા પોલીસે આગળની કાર્યવાહી કરેલ છે
બનાવની જાણવા મળતી માહિતી મુજબ મોરબી તાલુકાનાં બેલા (રંગપર) ગામે રહેતા ગૌતમભાઈ જયંતીલાલ દેલવાડીયા જાતે પટેલ (૩૦)એ નવનીત ઉર્ફે નંદો કાનાભાઇ પટેલ રહે. મુળ તળાવિયા શનાળા હાલ. ઉમા ટાઉનશીપ, મોરબી અને યોગેશભાઇ બરાસરા રહે. મૂળ નશીતપર હાલ મોરબી વાળાની સામે ફરિયાદ નોંધાવી છે જેમાં તેને જણાવ્યુ છે કે, તે પોતાના ઘરેથી કારખાને જતા હતા ત્યારે રસ્તામાં આરોપીઓ મહેન્દ્રા થાર ગાડીમાં આવ્યા હતા અને ફરીયાદીને ઉભો રાખીને તે અસ્મીતા સાથે મૈત્રી કરાર કરેલ છે તેને છોડી દેજે તેમ કહીને ફરીયાદીને મારી નાખવાના ઇરાદે ફરીયાદી સામે રીવોલ્વર તાકી હતી અને આટલી વાર લાગે તેમ કહી ફરીયાદીના પગ પાસે રીવોલ્વર હથિયારથી બે રાઉન્ડ ફાયરીંગ કાર્ય હતા અને ફરીયાદીને જાનથી મારી નાખવાની ધમકી આપી હતી જેથી કરીને યુવાને નોંધાવેલ ફરિયાદ આધારે પોલીસે આઈ.પી.સી કલમ- ૩૦૭, ૫૦૬(૨), ૧૧૪ તથા આર્મ્સ એકટ કલમ-૩૦ તથા જી.પી.એકટ કલમ-૧૩૫ મુજબ ગુનો નોંધીને આગળની કાર્યવાહી કરેલ છે
