મોરબીનું યંગ ઇન્ડિયા ગ્રુપ જરૂરિયાતમંદ વિદ્યાર્થીઓના આર.ટી.ઇ.ના ઓનલાઇન ફોર્મ નિઃશુલ્ક ભરી આપશે
Morbi Today
મોરબીનું યંગ ઇન્ડિયા ગ્રુપ જરૂરિયાતમંદ વિદ્યાર્થીઓના આર.ટી.ઇ.ના ઓનલાઇન ફોર્મ નિઃશુલ્ક ભરી આપશે
SHARE
JOIN OUR GROUP
મોરબીનું યંગ ઇન્ડિયા ગ્રુપ જરૂરિયાતમંદ વિદ્યાર્થીઓના આર.ટી.ઇ.ના ઓનલાઇન ફોર્મ નિઃશુલ્ક ભરી આપશે
રાજ્ય સરકાર દ્વારા શૈક્ષણિક વર્ષ ૨૦૨૨-૨૩ માટે આર.ટી.ઇ. અંતર્ગત પ્રવેશ પ્રક્રિયા શરુ કરી દેવામાં આવી છે. ત્યારે આર.ટી.ઇ. અંતર્ગત શાળાઓમાં પ્રવેશની પ્રક્રિયા ઓનલાઇન હોય છે. ત્યારે યંગ ઇન્ડિયા ગ્રુપ દ્વારા જરૂરિયાતમંદ વિદ્યાર્થીઓના ઓનલાઇન આર.ટી.ઇ.ના ફોર્મ નિઃશુલ્ક ભરી આપવાબનું આયોજન કરેલ છે
આર.ટી.ઇ. અંતર્ગત પ્રવેશ પ્રક્રિયા શરૂ થઇ ગઈ છે. તા. ૩૦/૦૩ થી ૧૧/૦૪ સુધી https://rte.orpgujarat.com વેબસાઈટ પર પ્રવેશ પ્રક્રિયાનું ફોર્મ ભરવાનું હોય છે. મોરબીમાં જે જરૂરતમંદ વાલીઓને પોતાના સંતાનને ખાનગી શાળામાં ધો. ૧ થી ૮ પ્રવેશ લેવાની ઈચ્છા હોય તેને જરૂરી ડોક્યુમેન્ટસ તૈયાર કરી યંગ ઇન્ડિયા ગ્રુપનો સંપર્ક કરવા માટે જણાવ્યુ છે જે ડોક્યુમેન્ટ્સ જોઈએ છે તેમાં બાળક માટે આધાર કાર્ડ, જન્મનું પ્રમાણપત્ર (બાળકના ૧ જૂન, ૨૦૨૨ સુધીમાં પાંચ વર્ષ પૂર્ણ થવા જોઈએ), બેન્ક ખાતાની પાસબુક (મરજિયાત) અને પાસપોર્ટ સાઈઝના બે ફોટોસ તેમજ વાલીઓ માટે જાતિનો દાખલો, પિતાનું આધાર કાર્ડ, માતાનું આધાર કાર્ડ, આવકનો દાખલો (શહેરી વિસ્તાર માટે ૧,૫૦,૦૦૦/-, જ્યારે ગ્રામીણ વિસ્તાર માટે ૧,૨૦,૦૦૦/- નો રહેશે (૩૧/૦૩/૨૦૨૦ પછીનો)), વાલીની બેન્ક ખાતાની પાસબુક તથા ડોક્યુમેન્ટ જો હોય તો બી.પી.એલ. કાર્ડ (૦ થી ૨૦ આંક ધરાવતું તમામ કેટેગરીવાળું), બાળકનું આંગણવાડી છોડ્યાનું પ્રમાણપત્ર, સિંગલ ચાઈલ્ડ ગર્લનું પ્રમાણપત્ર (જો સંતાનમાં એકમાત્ર સંતાન દીકરી હોય અને ભવિષ્યમાં બીજા બાળકનો પ્લાન ના હોય) સાથે લાવવાના રહેશે. અને આ ફોર્મ મોરબીના રવાપર રોડ ઉપર આવેલ ડી.આર. સિક્યુરિટીની ઓફિસે તેમજ વાલ્મિકી વાસ શેરી નબર-૧ ના કોર્નર ઉપર યંગ ઇન્ડિયા ગ્રુપની ઓફીસ ખાતે સવારે ૮ થી ૧૧ દરમિયાન જવાનું રહેશે. વધુ વિગત માટે મો.નં. ૮૦૦૦૮ ૨૭૫૭૭ ઉપર સંપર્ક કરવા જણાવ્યુ છે
