મોરબીના રોહીદાસપરામાં હોળીમાં પડી જવાથી દાઝી ગયેલા યુવાનનું સારવારમાં મોત
Morbi Today
બિગ ન્યૂઝ: મોરબીના સિરામિક ઉદ્યોગમાં વપરાતા પ્રોપેન ગેસની સપ્લાઈની ચેન તૂટી !, ઉદ્યોગકારોને મોટો ફટકો
SHARE
JOIN OUR GROUP
બિગ ન્યૂઝ: મોરબીના સિરામિક ઉદ્યોગમાં વપરાતા પ્રોપેન ગેસની સપ્લાઈની ચેન તૂટી !, ઉદ્યોગકારોને મોટો ફટકો
મોરબીના સિરામિક ઉદ્યોગની પડતી શરૂ થઈ હોય તેવો ઘાટ હાલમાં જોવા મળી રહ્યો છે અને કેમ કે, એક પછી એક મુશ્કેલીઓ મોરબીના સિરામિક ઉદ્યોગકારો સામે મોં ફાડીને ઊભી હોય છે.હાલમાં નેચરલ ગેસના ભાવ અને રેગ્યુલર રીતે પૂરતા પ્રમાણમાં નેચરલ ગેસ મળતો નથી ત્યારે ઘણા ઉદ્યોગકારો દ્વારા પોતાના સિરામિક યુનિટીની અંદર ટાઇલ્સનું ઉત્પાદન કરવા માટે પ્રોપેન ગેસનો ઉપયોગ કરવામાં આવે છે જો કે, પ્રોપેન ગેસની સપ્લાઈની ચેન પણ હાલમાં તૂટી હોય તેવો ઘાટ સર્જાયો છે અને જો આજ સાંજ સુધીમાં પ્રોપેન ગેસના ટેન્કર મોરબીમાં ન આવે તો મોરબીના ઘણા કારખાનામાં ઉત્પાદન બંધ થાય તેવી શક્યતાઓ સેવાઇ રહી છે
મોરબીની આસપાસના વિસ્તારમાં વિશ્વ કક્ષાનો સિરામિક ઉદ્યોગ આવેલ છે અને તેમાં સિરામિક પ્રોડક્ટનું ઉત્પાદન કરવા માટે નેચરલ ગેસ અને પ્રોપેન ગેસનો ઉપયોગ કરવામાં આવ્યો છે હાલમાં નેચરલ ગેસ કરતાં પ્રોપેન ગેસ ભાવમાં સરેરાશ આઠ રૂપિયા જેટલો પ્રતિ કયુબિક મીટરે સસ્તો પડી રહ્યો છે જેથી કારખાનેદારો દ્વારા પોતાની પ્રોડક્ટના ભાવ નીચા લાવવા માટે નાછૂટકે પ્રોપેન ગેસનો ઉપયોગ કરવામાં આવી રહ્યો છે અને એક બાજુ ગુજરાત ગેસ કંપની દ્વારા પૂરતા ભાવ લેવામાં આવતા હોવા છતાં પણ પૂરતા પ્રમાણમાં ગેસ સપ્લાય કરવામાં નથી આવતી જેથી કરીને મોરબીના સિરામિક ઉદ્યોગકારો હાલમાં મુશ્કેલીનો સામનો કરી રહ્યા છે તેવામાં પ્રોપેન ગેસનો ઉપયોગ કરીને સિરામિક પ્રોડક્ટનું ઉત્પાદન કરતાં કારખાનાઓમાં સપ્લાયની ચેન તૂટી ગઈ છે
સૂત્રો પાસેથી જાણવા મળતી વિગત પ્રમાણે મોરબીની આસપાસમાં આવેલા સિરામિક કારખાના માંથી લગભગ ૧૨૫ કરતાં વધુ કારખાનામાં આજની તારીખે નેચરલ ગેસની જગ્યાએ પ્રોપેન ગેસનો ઉપયોગ કરીને તેનાથી સિરામિક પ્રોડક્ટનું ઉત્પાદન કરવામાં આવી રહ્યું છે જોકે પ્રોપેન ગેસના ટેન્કરો ગઈકાલ સાંજથી મોરબીમાં આવવાના બંધ થયા છે અને જો આજે સાંજ સુધીમાં મોરબીના સિરામિક ઉદ્યોગમાં જ્યાં પણ પ્રોપેન ગેસનો ઉપયોગ કરીને સિરામિક પ્રોડક્ટનું ઉત્પાદન કરવામાં આવે છે ત્યાં પ્રોપેન ગેસના ટેન્કરો નહીં આવે તો મોરબીના ૧૨૫ કરતાં વધુ કારખાનામાંથી મોટાભાગના કારખાનાઓ ગેસના અભાવના કારણે બંધ થાય તેવી શક્યતાઓ સેવાઇ રહી છે
અત્રે ઉલ્લેખનીય છે કે મોરબીના સિરામિક ઉદ્યોગકારોનેએ વર્ષો પહેલાં જ્યારે દેશના વર્તમાન વડાપ્રધાન નરેન્દ્ર મોદી ગુજરાત રાજ્યના મુખ્યમંત્રી હતા ત્યારે નેચરલ ગેસ પાઇપલાઇન મારફતે આપવાના કામનું લોકાર્પણ કરવામાં આવ્યું હતું ત્યારે સસ્તામાં ગેસ આપવાની વાત કરવામાં આવી હતી પરંતુ ધીમે-ધીમે કરતાં આજે સાથે મોરબીના સિરામિક ઉદ્યોગકારોને ટેક્સ સાથે ૬૨ રૂપિયા કરતાં વધુના ભાવે પ્રતિ કયુબિક મીટર ગેસ આપવામાં આવે છે અને તેના કરતા પ્રોપેન ગેસ આઠ રૂપિયા સસ્તો પડતો હોવાના કારણે સિરામિક ઉદ્યોગકારો દ્વારા વૈશ્વિક માર્કેટમાં ટકી રહેવા માટે પોતાની પ્રોડક્ટના ભાવ નીચા લાવવા માટે પ્રોપેન ગેસનો ઉપયોગ કરવામાં આવે છે આવે છે આવા સમયે પ્રોપેન ગેસ ભરીને શીપ મુંદ્રા પોર્ટ પર આવી ગયું છે જો કે, ત્યાંથી લોડીંગ થઈ શકતું નથી જેથી કરીને મોરબીના સિરામિક ઉદ્યોગકારોને સમયસર પ્રોપેન ગેસ ન મળે તો આગામી સમયમાં મોરબીના સિરામિક ઉદ્યોગને મોટો ફટકો પડે તેવા સંકેતો મળી રહ્યા છે
