મોરબીમાં ધૂળેટીની ઉજવણી સમયે ચિલ્ડ્રન હોમ ફોર ગર્લ્સમાંથી ગુમ થયેલ સગીરાનો હજુ કોઈ પત્તો નહી ?

મોરબીમાં આવેલ ચિલ્ડ્રન હોમ ફોર ગલ્સ ખાતે મુકવામાં આવેલ સગીરા ધૂળેટીના દિવસે ત્યાં એસપી સહિતના અધિકારીઓની હાજરીમાં ઉજવણી કરવામાં આવી રહી હતી ત્યારે ગુમ થઈ ગઈ હતી જેથી કરીને આ મુદે મોરબી બી ડિવિઝન પોલીસને જાણ કરવામાં આવતા પોલીસે અપહરણની ફરિયાદ નોંધીને સગીરાને શોધવા માટે કવાયત શરૂ કરી છે જો કે, ધુળેટીના દિવસથી ગુમ થયેલ સગીરાનો હજુ સુધીમાં કોઈ પત્તો લાગેલ નથી

મોરબી શહેર વિસ્તારમાં શોભેશ્વર રોડ ઉપર આવેલ ચિલ્ડ્રન હોમ ફોર ગલ્સ ખાતે પોકસોના ગુનામાં પકડવામાં આવેલ આરોપીની સાથે મળી આવેલ સગીરાને મૂકવામાં આવી હતી અને તા. ૧૮ ના રોજ ચિલ્ડ્રન હોમ ફોર ગલ્સ ખાતે ધૂળેટી પર્વની ઉજવણી કરવામાં આવી રહી હતી ત્યારે તકનો લાભ લઈને બાથરૂમ જવાનું કહીને આ સગીરા ગુમ થઈ ગયેલ હતી જેથી આ બનાવની મોરબી બી ડિવિઝન પોલીસ સ્ટેશન ખાતે જાણ કરવામાં આવી હતી અને સગીરાના અપહરણની ફરિયાદ લઈને તેને શોધવા માટે જુદીજુદી દિશામાં તપાસ શરૂ કરવામાં આવી રહી છે જો કે, હજુ સુધી કોઈ જ્ગ્યાએથી સગીરાનો પત્તો લાગેલ નથી અત્રે ઉલેખનીય છે કે, ચિલ્ડ્રન હોમ ફોર ગલ્સ ખાતે જ્યારે ધૂળેટી પર્વની ઉજવણી કરવામાં આવી રહી હતી ત્યારે એસપી સહિતના અધિકારીઓ અને આગેવાનો ત્યાં હાજર હતાં અને ત્યારે સગીરા તકનો લાભ લઈને ત્યાંથી નીકળી ગયેલ છે અને સગીરા તેના ઘરે પણ પહોચી નથી તેવું પોલીસ સૂત્રો પાસેથી જાણવા મળેલ છે અને પોકસોના ગુનામાં જે આરોપીને પકડવામાં આવ્યો હતો તેની સાથે સગીરા મળી આવી હતી તે આરોપી હાલમાં જેલમાં છે ત્યારે સગીરા ગઈ કયા તે સૌથી મોટો સવાલ ઊભો થયો છે