વાંકાનેરની પીર મશાયખ હોસ્પિટલમાં ગળાફાંસો ખાઈ લેનાર પરિણીતાનું સારવારમાં મોત
Morbi Today
મોરબીને બેલા પાસે કારખાનાની ઓરડીમાંથી વિદેશી દારૂના જથ્થા સાથે બે પકડાયા
SHARE
JOIN OUR GROUP
મોરબીને બેલા પાસે કારખાનાની ઓરડીમાંથી વિદેશી દારૂના જથ્થા સાથે બે પકડાયા
મોરબી તાલુકાના બેલા ગામની સીમમાં આવેલ સિરામિક કારખાનાની ઓરડીમાં દારૂનો જથ્થો હોવાની વાતની મોરબી તાલુકા પોલીસને મળી હતી જેના આધારે ત્યાં દારૂની રેડ કરવામાં આવતા સ્થળ ઉપરથી ૧૮ બોટલ દારૂ સાથે બે શખસો ઝડપાયા છે જેથી પોલીસે આગળની કાર્યવાહી હાથ ધરી છે
જાણવા મળતી વિગત પ્રમાણે મોરબી તાલુકાના બેલા ગામની સીમમાં આવેલ પોલો સેનેટરીવેર નામના કારખાનાની રૂમ નંબર ૫૭ ની અંદર દારૂનો જથ્થો હોવાની બાતમી મોરબી તાલુકા પોલીસને મળી હતી જેના આધારે પોલીસે ત્યાં દારૂની રેડ કરી હતી ત્યારે ઓરડીમાંથી ૧૮ બોટલ દારૂ મળી આવ્યો હતો જેથી કરીને પોલીસે ૬૮૯૫ રૂપિયાની કિંમતનો દારૂનો જથ્થો કબજે કર્યો હતો અને હાલમાં વિજયભાઇ શિવાભાઇ ઝાલા (ઉ.૨૬) રહે. પોલો સેનેટરીવેર મુળ રહે. રામપરા, તા.ધ્રાંગધ્રા અને જગદીશભાઇ દિનેશભાઇ પારઘી (ઉ.૨૨) રહે. પોલો સેનેટરીવેર મુળ રહે. જશાપર, તા.ધ્રાંગધ્રા વાળા મળી આવ્યા હતા જેથી કરીને આ બંને શખ્સોની પોલીસે દારૂના જથ્થા સાથે ધરપકડ કરેલ છે અને તેની પાસેથી મળી આવેલ દારૂની બોટલો તે ત્યાંથી લઈને આવ્યા હતા અને કોને આપવાના હતા તે દિશામાં તપાસ શરૂ કરવામાં આવી છે
મોરબીના શનાળા રોડ ઉપર આવેલ સતનામનગર સોસાયટીના નાકા પાસેથી પસાર થઇ રહેલા એક શખ્સને રોકીને પોલીસે ચેક કરતા તેની પાસેથી દારૂની પાંચ બોટલો મળી આવી હતી જેથી કરીને પોલીસે હાલમાં ૧૮૭૫ રૂપિયાની કિંમતની દારૂની બોટલો કબ્જે કરીને મીત હિતેશભાઈ ભટ્ટી (ઉંમર ૧૯) રહે. સતનામનગર સનાળા રોડ મોરબી વાળાની ધરપકડ કરેલ છે અને આ શખ્સ પાસેથી મળી આવેલ દારૂની બોટલો તે ક્યાંથી લઇને આવ્યો હતો અને કોને આપવા માટે જતો હતો તે દિશામાં હાલમાં એ ડીવીઝન પોલીસે ટીમ દ્વારા તપાસ શરૂ કરવામાં આવી છે
