ટંકારાના લજાઇ પાસે ઝગડામાં છોડાવા વચ્ચે પડેલ યુવાનને ધોકો લાગતા સારવારમાં દમ તોડ્યો, મામલો હત્યામાં પલ્ટાયો
SHARE
JOIN OUR GROUP
ટંકારાના લજાઇ પાસે ઝગડામાં છોડાવા વચ્ચે પડેલ યુવાનને ધોકો લાગતા સારવારમાં દમ તોડ્યો, મામલો હત્યામાં પલ્ટાયો
મોરબી-રાજકોટ હાઇવે ઉપર આવેલ ટંકાર તાલુતાના હડમતીયા ગામની પાસે લજાઈ ચોકડી નજીક આવેલ પ્લાસ્ટીકના કારખાનામાં ત્રણેક દિવસ પહેલા રાત્રે બે કર્મચારીઓ વચ્ચે કોઈ મુદદે ઝગડો થતો હતો.તે બંને સામસામે ધોકા ઉગામતાં હતાં ત્યારે મુળ બિહારનો મજુર યુવાન તે બંનેને છોડાવવા માટે વચ્ચે પડયો હતો.તે સમયે તેને ધોકાના ઘા લાગી જતાં ગંભીર ઈજાઓ થયેલ હોય મોરબી બાદ રાજકોટ ખસેડાયો હતો જયાં રાજકોટ ખાતે શનિવારે સવારે સારવાર દરમિયાન તે યુવાનનું મોત નિપજયુ હતુ.બનાવ હત્યામાં પલટાયો હોય હાલમાં ટંકારા પોલીસે હત્યાનો ગુનો નોંધવા તજવીજ શરૂ કરેલ છે.
સુત્રો દ્રારા પ્રાપ્ત વિગતો મુજબ ટંકારાના હડમતીયામાં લજાઇ ચોકડીની પાસે આવેલ મેઘાટોન પોલીમર્સ નામના યુનિટમાં કામ કરતો અને ત્યાં જ રહેતો મનોહરરાજ સંજયભાઇ મંડલ (ઉ.વ.૩૦) મૂળ બીહારી યુવાન તા.૧૪-૧૦ ના રાતે અગીયારેક વાગ્યે કંપનીમાં હતો.ત્યારે બે મજુરો રાજ અને રોશન વચ્ચે કોઈ વાતે ઝઘડો થયા બાદ બંને ધોકા લઈને એકબીજાની સાથે મારામારી કરી રહ્યા હતાં.તે સમયે આ બંનેને છોડાવવા માટે મનોહરરાજ મંડલ વચ્ચે પડ્યો હતો.તે સમયે તેને માથામાં ધોકાના ઘા લાગી જતાં ગંભીરપણે ઘવાયો હોય ટંકારા બાદ મોરબી સારવાર આપીને વધુ સારવાર માટે રાજકોટ સિવિલ હોસ્પિટલમાં ખસેડાયો હતો. જયાં આજે તેનું મોત નિપજયુ હતુ.
મૃતક મનોહરરાજ મંડલ મુળ બિહારનો વતની હતો અને ચાર બહેનનો એકનો એક વચેટ ભાઈ હતો.તેના મોતથી બે દિકરાઓએ પિતાની છત્રછાંયા ગુમાવી હતી.
