મોરબી નગરપાલિકામાં મૃત્યુ પામેલ કર્મચારીઓના નામે પગાર કરીને પ્રજાના નાણાંની ઉચાપત ..?!
Morbi Today
સતત ચોથીવાર ગિરનાર સર કરનાર મોરબીની મહિલા કોન્સ્ટેબલનું એસપીએ કર્યું સન્માન
SHARE
JOIN OUR GROUP
સતત ચોથીવાર ગિરનાર સર કરનાર મોરબીની મહિલા કોન્સ્ટેબલનું એસપીએ કર્યું સન્માન
મંજિલે ઉન હી કો મિલતી હે જીન કે સાપનો મેં જાન હોતી હે... આ પંક્તિને મોરબીના નાના એવા ચાંચાપર ગામે જન્મેલી અને હાલમાં મોરબી જીલ્લામાં મહિલા કોન્સ્ટેબલ તરીકે ફરજ બજાવતી ભૂમિકા ભૂતે સાર્થક કરી બતાવી છે અને ગીરનાર આરોહણ અવરોહણ રાજ્ય કક્ષાની અને નેશનલ લેવલની સ્પર્ધામાં છેલ્લા ચાર વર્ષથી તે સતત વિજેતા બની રહ્યા છે આટલું જ નહિ ભૂમિકા ડીજી કપ અને ખેલ મહાકુંભમાં પણ દોડની સ્પર્ધામાં સતત વિજેતા બનીને અનેક ગોલ્ડ મેડલ મેળવાયા છે
૩૬ મી ગુજરાત ગીરનાર આરોહણ-અવરોહણ સ્પર્ધા તાજેતરમાં યોજાઇ હતી જેમાં મોરબી જિલ્લા પોલીસમાં ફરજ બજાવતા વુમન લોકરક્ષક મૂળ મોરબીના ચાંચાપર ગામના રહેવાસી અને હાલમાં મોરબીમાં રહેતા ભુમિકાબેન ભુતે દ્વારા સીનીયર બહેનોના વિભાગમાં ગોલ્ડ મેડલ મેળવેલ છે તેની મોરબી જિલ્લાના એસપી એસ.આર.ઓડેદરાએ માહિતી આપતા જણાવ્યુ હતું કે, ભુમિકાબેન દુર્લભજીભાઈ ભુત વર્ષ ૨૦૧૭માં પોલીસમાં ભરતી થયેલા છે અને હાલ મોરબી પોલીસ હેડ કવાર્ટર ખાતે ફરજ બજાવે છે. વર્ષ ૨૦૧૮ થી અત્યાર સુધી કુલ ૨૫ જેટલી એથ્લેટીકસ ઇવેન્ટની અલગ અલગ કક્ષાઓની સ્પર્ધાઓમાં ભાગ લઇ તમામ ઇવેન્ટ્સમાં ઉત્તમ પ્રદર્શન કર્યું છે અને મોરબી જિલ્લા પોલીસ પરિવારનું ગૌરવ વધારેલ છે.
ભુમિકાબેને અત્યાર સુધીમાં રર ગોલ્ડ મેડલ, ૨ સીલ્વર મેડલ અને ૧ બ્રોન્ઝ મેડલ પ્રાપ્ત કરેલ છે અને ગુજરાત સરકારના રમત ગમત યુવા અને સાંસ્કૃતિક પ્રવૃતિઓ વિભાગ અને વહીવટી તંત્ર દ્વારા દર વર્ષે યોજાતી ગુજરાત ગિરનાર આરોહણ-અવરોહણ સ્પર્ધામાં વર્ષ ૨૦૨૨ માં આયોજન કરવામાં આવ્યું હતું જેમાં ભુમિકાબેન દ્વારા સીનીયર બહેનોના વિભાગમાં ૪૧.૨૮ મીનીટમાં ગીરનાર આરોહણ-અવરોહણ સ્પર્ધા પૂરી કરવામાં આવી હતી અને તેઓએ ગોલ્ડ મેડલ મેળવેલ છે. અત્રે ઉલેખનીય છે કે, ૨૦૧૯-૨૦માં યોજાયેલ ગીરનાર આરોહણ-અવરોહણ સ્પર્ધા ૩૮.૨૧ મીનીટમાં રેકોર્ડ સાથે તેને આ સ્પર્ધા પૂરી કરી હતી અને તેઓ જુનાગઢ ખાતે યોજાતી રાષ્ટ્રીય-રાજ્યકક્ષાની ગિરનાર આરોહણ-અવરોહણ સ્પર્ધામાં છેલ્લા ચાર વર્ષથી પ્રથમ નંબર લઈ ગોલ્ડ મેડલ મેળવી મોરબી જિલ્લાનું તેમજ મોરબી પોલીસ પરિવારનું ગૌરવ વધારે છે.
