મોરબીમાં કતલખાને લઈ જવાતા પાડાને ગૌ રક્ષકોએ બચાવ્યો: બે સામે ફરિયાદ
SHARE
JOIN OUR GROUP
મોરબીમાં કતલખાને લઈ જવાતા પાડાને ગૌ રક્ષકોએ બચાવ્યો: બે સામે ફરિયાદ
મોરબી નજીક આવેલ પરમેશ્વર કાંટા સામે રામદેવ હોટલ નજીકથી પસાર થતી સીએનજી રીક્ષાને ગૌ રક્ષકો દ્વારા રોકવામાં આવી હતી અને પોલીસની હાજરીમાં ચેક કરવામાં આવતા કોઈપણ પ્રકારની વ્યવસ્થા રાખ્યા વગર પાડાને બાંધીને કતલખાને લઈ જવામાં આવતો હોવાનું સામે આવ્યું હતું જેથી હાલમાં ગૌ રક્ષકે નોંધાવેલ ફરિયાદ આધારે પોલીસે બે શખ્સોની સામે મોરબી બી ડિવિઝન પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી છે
મોરબીના મહેન્દ્રનગર ગામે પ્રભુ કૃપા ટાઉનશીપ ખાતે શુભ વિલામાં રહેતા સંદીપભાઈ રમેશભાઈ પારેજીયા (31)એ મોરબી બી ડિવિઝન પોલીસ સ્ટેશન ખાતે મહેબૂબભાઈ અનવરભાઈ મેઘાણી (42) રહે. ફૂલ ગલી મોચી શેરી શક્તિ ચોકની અંદર મોરબી તથા હુસેનભાઈ કાસમભાઈ કટારીયા (50) રહે. શક્તિ ચોક કુબેરનાથ મંદિર સામે મોરબી વાળાની ફરિયાદ નોંધાવેલ છે જેમાં જણાવ્યું છે કે વાંકાનેર કંડલા હાઇવે રોડ ઉપર આવેલ પરમેશ્વર કાંટા પાસે રામદેવ હોટલ સામેથી આરોપીઓ સીએનજી રીક્ષા નંબર જીજે 36 ડબલ્યુ 0655 માં જઈ રહ્યા હતા અને તેમાં કુરતાપૂર્વક એક પાડાને બાંધીને લઈ જતા હતા આ રિક્ષામાં ઘાસચારો કે પાણીની કોઈ વ્યવસ્થા રાખવામાં આવેલ ન હોય આ બનાવ સંદર્ભે હાલમાં યુવાને નોંધાવેલ ફરિયાદ આધારે પોલીસે બંને શખ્સોને પકડીને તેની સામે કાર્યવાહી કરી હતી આ કામગીરી મોરબી વિશ્વ હિન્દુ પરિષદ, બજરંગ દળ, અખિલ વિશ્વ ગૌવર્ધન પરિષદ દિલ્હ, હિન્દુ યુવા વાહિની, કચ્છ ગૌરક્ષકની ટિમ દ્વારા કરવામાં આવી હતી.
