મોરબીના નીચી માંડલ પાસે મિક્સર મશીનમાંથી બકેટ રીક્ષા ઉપર પડતાં ઇજા પામેલા બે વ્યક્તિ સારવારમાં

મોરબી હળવદ હાઇવે રોડ ઉપર આવેલ નીચી માંડલ ગામ પાસેથી રિક્ષામાં બે વ્યક્તિઓ પસાર થઈ રહ્યા હતા ત્યારે આગળના ભાગે જઈ રહેલ મિક્સર મશીનમાંથી બકેટ રીક્ષા ઉપર પડ્યું હતું જેથી રિક્ષામાં બેઠેલા બે વ્યક્તિઓને ઇજાઓ થઈ હતી જેથી તેને સારવાર માટે હોસ્પિટલે લઈ ગયા હતા અને ત્યારબાદ યુવાને નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે.

જાણવા મળતી માહિતી મુજબ મોરબીના વાવડી રોડ ઉપર આવેલ શ્રીજી પાર્ક સોસાયટીમાં રહેતા ઈકબાલભાઈ નુરમામદભાઈ ગાલબ (37)એ મિક્સર મશીન વાહન નંબર જીજે 36 એસ 6959 ના ચાલક સામે ફરિયાદ નોંધાવેલ છે જેમાં જણાવ્યુ છે કે, મોરબી હળવદ હાઈવે રોડ ઉપર આવેલ નીચી માંડલ ગામ પાસે દરગાહની સામેથી તેઓ પોતાની રિક્ષા નંબર જીજે 18 બિયું 6675 લઈને મોરબીથી ચરાડવા જઈ રહ્યા હતા દરમિયાન આગળના ભાગે જઈ રહેલ મિક્સર મશીન વાહનના ચાલકે પોતાના વાહનને અચાનક બ્રેક કરી હતી જેથી કરીને મિક્સર મશીનની પાછળના ભાગનું બકેટ ફરિયાદીની રીક્ષા ઉપર પડ્યું હતું જેથી ફરિયાદીને ડાબા પગમાં ફેક્ચર તથા રિક્ષામાં બેઠેલ અલારખાભાઈને સામાન્ય ઇજા થઈ હતી જેથી તેઓને સારવાર માટે હોસ્પિટલે લઈ ગયા હતા આ બનાવ સંદર્ભે સારવાર લીધા બાદ ઈકબાલભાઈએ નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે.