હળવદમાં ઝઘડાનું સમાધાન કરવા ગયેલ યુવાન ઉપર છરી વડે હુમલો

હળવદના ભવાનીનગર વિસ્તારમાં રહેતા યુવાનને ઝઘડો થયો હતો જેનું સમાધાન કરવા માટે સાહેદોની સાથે તે બાપા સીતારામ મઢુલી પાસે ગયો હતો ત્યારે વાતચીત ચાલી રહી હતી દરમિયાન સામેવાળાએ ઉશ્કેરાઈ જઈને છરી વડે યુવાન ઉપર હુમલો કરીને તેને ગળાના ભાગ ઉપર છરી મારી હતી જેથી ઈજા પામેલ યુવાનને સારવાર માટે હોસ્પિટલે લઇ ગયા હતા અને ત્યારબાદ તેણે નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.

જાણવા મળતી માહિતી મુજબ હળવદના ભવાનીનગર વિસ્તારમાં લાંબી ડેરી રામાપીર ચોક પાસે રહેતા અરવિંદભાઈ રામજીભાઈ સુરાણી (19) નામના યુવાને સાહિદ ઉર્ફે સાહિલ અનવરભાઈ મકરાણી રહે. ભવાનીનગર ઢોરો હળવદ વાળાની સામે ફરિયાદ નોંધાવેલ છે જેમાં જણાવ્યુ છે કે, તેને આરોપી સાથે ઝઘડો થયો હતો તે બાબતનું સમાધાન કરવા માટે તે સાહેદોને સાથે લઈને બાપા સીતારામ મઢુલી પાસે આવેલ કોમ્પલેક્ષ નજીક ગયો હતો અને ત્યાં સમાધાન માટેની વાતચીત ચાલી રહી હતી દરમિયાન આરોપી ઉશ્કેરાઈ ગયો હતો અને ફરિયાદીને જેમ ફાવે તેમ ગાળો આપી હતી ત્યારબાદ ફરિયાદીને મારી નાખવાના ઇરાદે આરોપીએ પોતાની પાસે રહેલ છરી વડે તેના ઉપર હુમલો કર્યો હતો અને ગળાના ભાગે છરીનો એક ઘા માર્યો હતો જેથી કરીને ઈજા પામેલ હાલતમાં યુવાનને સારવાર માટે હોસ્પિટલે લઈ ગયા હતા અને ત્યારબાદ તેણે નોંધાવેલ ફરિયાદ આધારે પોલીસે હાલમાં ગુનો નોંધીને આરોપીને પકડવા માટે તજવીજ શરૂ કરેલ છે.