મોરબી જીલ્લા પંચાયતની જેતપર બેઠકના ૧૩ ગામની પંચાયતો સમરસ: ૧૦ માં ચૂંટણી

મોરબી જીલ્લા પંચાયતની જેતપર બેઠક ઉપરથી ચૂંટાયેલા યુવાન આગેવાન અને જિલ્લા પંચાયતની બાંધકામ સમિતિના ચેરમેન અજયભાઈ લોરિયાએ જણાવ્યુ છે કે તેની બેઠકમાં આવતી પંચાયતોમાથી હાલમાં ૧૩ ગ્રામ પંચાયતો સમરસ થયેલ છે અને ૧૦ માં ચૂંટણી યોજવાની છે

મોરબી જીલ્લા પંચાયતની જેતપર બેઠક હેઠળ આવતા ૨૬ ગામોની પંચાયતોમાથી ૨૩ ગ્રામ પંચાયતમાં ચૂંટણી જાહેર કરવામાં આવી હતી જેથી અજયભાઈ લોરિયાએ તેની બેઠકમાં આવતા ગામોમાથી વધુમાં વધુ ગામ સમરસ બને તે માટે કવાયત શરૂ કરી હતી જેના ફળ સ્વરૂપે ૨૩ ગ્રામ પંચાયત પૈકી ૧૩ ગ્રામ પંચાયત સમરસ બની ગયેલ છે અને આ તમામ પંચાયતોને બાંધકામ સમિતિના ચેરમેન અજય લોરિયા દ્વારા અગાઉ કરવામાં આવેલ જાહેરાત મુજબ એક એક લાખ રૂપિયા આપવામાં આવસે જે ૧૩ ગ્રામ પંચાયત સમરસ થયેલ છે તેમાં નવા નાગડાવાસ, જુના નાગડાવાસ, સોખડા, રવાપર (નદી) જુના સાદુળકા શક્તિનગર, વાઘપર, પીલુડી, બહાદુરગઢ, કૃષ્ણનગર, ભક્તિનગર, હરીપર (કે), અને ભરતનગરનો સમાવેશ થાય છે