મોરબીના બીલીયા ગામે રહેણાક મકાનમાં જુગાર રમતા ઘરધણી સહિત ૭ શખ્સ ૩.૩૮ લીખની રોકડ સાથે ઝડપાયા
Morbi Today
મોરબીમાં ઉછીના આપેલા રૂપિયા વકીલે તેના કર્મચારી પાસે પાછા માંગતા ચાર શખ્સોએ મારમાર્યો: મારી નાખવાની ધમકી
SHARE
JOIN OUR GROUP
મોરબીમાં ઉછીના આપેલા રૂપિયા વકીલે તેના કર્મચારી પાસે પાછા માંગતા ચાર શખ્સોએ મારમાર્યો: મારી નાખવાની ધમકી
મોરબીના રવાપર પાસે આવેલ બોની પાર્કમાં રહેતા વકીલને ત્યાં કામ કરતા કર્મચારીને હાથ ઉછીના રૂપિયા આપ્યા હતા જે રૂપિયા તેણે પાછા માંગતા તે બાબતનો ખાર રાખીને ચાર શખ્સો દ્વારા ધોકા અને પાઈપ વડે વકીલને માર મારવામાં આવ્યો હતો અને જાનથી મારી નાખવાની ધમકી આપવામાં આવી છે જેથી ભોગ બનેલા વકીલ દ્વારા સારવાર લીધા બાદ મોરબી બી ડિવિઝન પોલીસ સ્ટેશન ખાતે ફરિયાદ નોંધાવવામાં આવતા પોલીસે આરોપીને પકડવા માટે તજવીજ શરૂ કરેલ છે
જાણવા મળતી વિગત પ્રમાણે મોરબી નજીકના રવાપર ગામે બોની પાર્ક ધરતી ટાવર-૧ ના ફ્લેટ નંબર ૪૦૧ માં રહેતા અને વકીલાત કરતા વિજયભાઈ કેશવજીભાઈ સરડવા (૪૯) એ હાલમાં બી ડિવિઝન પોલીસ સ્ટેશન ખાતે રફિકભાઈ નુરમહમદભાઈ સિપાઈ, મકબુલ, સાહિલ તથા એક અજાણ્યો શખ્સ આમ કુલ મળીને ચાર શખ્સોની સામે ફરિયાદ નોંધાવેલ છે જેમાં જણાવ્યું છે કે આરોપી રફિકભાઈ સિપાહી અગાઉ ફરિયાદીની દુકાનમાં નોકરી કરતો હતો અને ત્યારે તેણે ફરિયાદી પાસેથી હાથ ઉછીના રૂપિયા લીધેલા હતા જે રૂપિયા ફરિયાદીએ તેની પાસે પાછા માંગતા તે બાબતનો ખાર રાખીને મોરબીની મહેન્દ્રનગર ચોકડી પાસે આવેલ શુભ કોર્પોરેટ હબ ના ગ્રાઉન્ડમાં ચારેય આરોપીઓએ ફરિયાદીને ગાળો આપીને ધોકા અને પાઇપ વડે માર માર્યો હતો અને રફીકભાઈ સિપાઈએ ફરિયાદીને જાનથી મારી નાખવાની ધમકી આપેલ છે જેથી કરીને વકીલ દ્વારા સારવાર લેવામાં આવ્યા બાદ મોરબી બી ડિવિઝન પોલીસ સ્ટેશન ખાતે ફરિયાદ નોંધાવવામા આવતા પોલીસે ગુનો નોંધીને આરોપીઓને પકડવા માટે તજવીજ શરૂ કરેલ છે
