મોરબીના શનાળા ગામ નજીક ગેરકાયદે બની રહેલ એપાર્ટમેન્ટ સહિત આખી પ્રોપર્ટી સીલ કરતી મહાપાલિકા

મોરબીના શનાળા ગામ નજીક સનાતન ગ્રામ નામથી એપાર્ટમેન્ટ બનાવવામાં આવે છે અને શનાળા ગ્રામ પંચાયતને સતા ન હોવા છતાં તેની પાસેથી મંજૂરી લઈને 8 બ્લોકમાં 64 ફ્લેટનું બાંધકામ કરવામાં આવી રહ્યું હતું જેથી મહાપાલિકાની ટીપી શાખાએ ત્યાં બની રહેલા એપાર્ટમેન્ટ  સહિતની આખી પ્રોપર્ટીને સિલ કરી દીધેલ છે. અને સ્થળ ઉપર નોટિસ પણ લગાવી દેવામાં આવેલ છે.

મોરબી મહાનગરપાલિકા હદમાં શનાળા ગામનો સમાવેશ થાય છે અને તેના સર્વે નં. 184 પૈકી 2/ પૈકી 1 માં મહેશભાઈ ભોરણીયા તથા અન્યો મૂળ જમીન માલીક દ્વારા એપાર્ટમેન્ટનું બાંધકામ કરવામાં આવી રહ્યું છે અને રજા ચિઠ્ઠી લીધા વગર બાંધકામ કરવામાં આવી રહ્યું હતું જે તે મિલ્કતને સિલ કરવામાં આવેલ છે વધુમાં મોરબી મહાપાલિકાના ટીપી શાખાના અધિકારી પાસેથી મળેલ માહિતી મુજબ શનાળા ગામ નજીક માળનું એપાર્ટમેન્ટ બનાવવામાં આવી રહ્યું છે અને આ બહુમાળી માટે ગ્રામ પંચાયત તરફથી મંજૂરી આપવામાં આવેલ છે જો કે, ગ્રામ પંચાયતને ગ્રાઉન્ડ  ફ્લોર ઉપર ચાર માળ સુધીની જ બિલ્ડીંગને મંજૂરી આપવાની સતા છે. અને આ ગેરકાયદે બાંધકામને રોકાવા માટે અગાઉ નોટિસ આપવામાં આવી હતી જો કે, નોટીસનો અનાદર કરીને બાંધકામ ચાલુ રાખવામા આવ્યું હતું જેથી હાલમાં મહાપાલિકાની ટીમે એપાર્ટમેન્ટ સહિત આખી પ્રોપર્ટીને સીલ કરેલ છે.