વાંકાનેરના પ્રતાપગઢ નજીક પવનચક્કીમાં તોડફોડ કરીને 290 કિલો કોપર વાયરની ચોરી

વાંકાનેરના પ્રતાપગઢ ગામની સીમમાં ભંગડાના તળાવ પાસે આવેલ આઈનોક્સ કંપનીની પીઆરટી-02 લોકેશનમાં આવેલ પવનચક્કીમાંથી કુલ મળીને 290 કિલો કોપર વાયર તથા અન્ય મુદ્દામાલ મળીને 65,000 ના માલની ચોરી કરેલ છે તથા પવનચક્કીમાં તોડફોડ કરીને નુકશાન કરેલ છે જેથી હાલમાં અજાણ્યા શખ્સની સામે વાંકાનેર તાલુકા પોલીસ સ્ટેશન ખાતે ચોરી અને તોડફોડની ફરિયાદ નોંધાતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

જાણવા મળતી માહિતી પ્રમાણે વાંકાનેર તાલુકાના પ્રતાપગઢ ગામે રહેતા યાકુભાઈ મહમદભાઈ શેરસીયા (43)એ હાલમાં અજાણ્યા શખ્સની સામે ચોરીની ફરિયાદ નોંધાવેલ છે જેમાં જણાવ્યુ છે કે, પ્રતાપગઢ ગામની સીમમાં ભંગડાના તળાવ પાસે આવેલ આઈનોક્સ કંપનીની પીઆરટી-02 લોકેશનમાં આવેલ પવનચક્કીમાં કોઈ અજાણ્યા શખ્સ દ્વારા પ્રવેશ કરવામાં આવ્યો હતો અને ત્યાં નકુચો તોડીને કન્વર્ટ કેબલમાંથી આશરે 250 કિલો કોપર બ્રાસ બાર તેમજ અર્થીંગનો કોપર કેબલ આશરે 110 મીટર અને અલગ અલગ સાઈઝના કોપર વાયર આમ કુલ મળીને 290 કિલો કોપર વાયર તથા આઇસોલેટર હેન્ડલ અને ટ્રાન્સફોર્મરની પાછળના ભાગમાં આવેલ કોપરની પટ્ટી મળીને 65,000 રૂપિયાની કિંમતના મુદ્દામાલની ચોરી કરેલ છે. તથા પવનચક્કીની પેનલમાં તોડફોડ કરીને 5,000 રૂપિયાનું નુકસાન કર્યું છે જેથી યુવાને નોંધાવેલ ફરિયાદ આધારે પોલીસે અજાણ્યા શખ્સની સામે ચોરીનો ગુનો નોધી આરોપીને પકડવા માટે તજવીજ શરૂ કરેલ છે.