મોરબી જિલ્લામાં શ્રમયોગીઓને મતદાનના દિવસે મતદાન કરવા માટે રજા આપવાની સુચના જાહેર કરાઈ
Morbi Today
મોરબીના વીસીપરા વિસ્તારમાં સામાન્ય બાબતે બોલાચાલી બાદ બંને પક્ષથી મારામારી: સામસામી ફરીયાદ
SHARE
JOIN OUR GROUP
મોરબીના વીસીપરા વિસ્તારમાં સામાન્ય બાબતે બોલાચાલી બાદ બંને પક્ષથી મારામારી: સામસામી ફરીયાદ
મોરબીના વિસીપરા વિસ્તારમાં આવેલ હનુમાનજી મંદિર પાસે શેરીમાં પરિમલ સ્કૂલની બાજુમાં સામાન્ય બાબતે બોલાચાલી થઈ હતી અને ત્યારબાદ બંને પક્ષથી મારામારી કરવામાં આવી હતી જે બનાવ સંદર્ભે બી ડિવિઝન પોલીસ સ્ટેશન ખાતે બંને પક્ષેથી ફરિયાદ નોંધાવવામાં આવતા પોલીસે જુદા જુદા બે ગુના નોંધી આરોપીઓને પકડવા માટે આગળની કાર્યવાહી હાથ ધરી છે
જાણવા મળતી વિગત મુજબ મોરબીના વીસીપરા વિસ્તારમાં હનુમાનજીના મંદિર પાસે ની શેરીમાં રહેતા રવિભાઈ ચંદુભાઈ વડલખીયા (૨૨)એ હાલમાં બી ડિવિઝન પોલીસ સ્ટેશન ખાતે વિમલભાઈ દિનેશભાઈ બાબરીયા, અશોકભાઈ દિનેશભાઈ બાબરીયા અને શૈલેષભાઈ બાબરીયા રહે બધા વીસીપરા હનુમાનજી મંદિર પાસેની શેરીમાં મોરબી વાળા સામે ફરિયાદ નોંધાવેલ છે જેમાં તેને જણાવ્યું છે કે ફરિયાદી તથા સાહેદ રાહુલ ભુપતભાઈ ડુમાણીયા અને તેનો મિત્ર ત્રણેય જણા ફરીયાદીના કાકી દક્ષાબેન ને તેના પાડોશી સાથે બોલાચાલી થયેલ હોય જે બાબતે સમજાવવા જતા બોલાચાલી ઉગ્ર થઈ હતી અને ત્રણે આરોપીઓ ત્યાં આવી ગયા હતા અને અશોકભાઈએ તેના હાથમાં રહેલ ધોકા વડે ફરિયાદીને મારમારી પગમાં ફેકચર જેવી ઇજા કરી હતી તથા સાહેદ વિનોદભાઈને ઢીકા પાટુનો માર મારી ઇજા કરી હતી અને ત્રણેય આરોપીઓએ ફરિયાદી તથા સાહેદને ગાળો આપી જાનથી મારી નાખવાની ધમકી આપી હતી જેથી ભોગ બનેલા યુવાને નોંધાવેલ ફરિયાદ આધારે પોલીસે ત્રણ શખ્સો સામે ગુનો નોંધી આગળની કાર્યવાહી હાથ ધરી છે
જ્યારે સામા પક્ષેથી અશોકભાઈ ઉર્ફે બાબો દિનેશભાઈ બાબરીયા (૧૯)એ હાલમાં બી ડિવિઝન પોલીસ સ્ટેશન ખાતે રાહુલભાઈ ભુપતભાઈ, વિનોદભાઈ વડલખીયા, રવિભાઈ ચંદુભાઈ, વીરુ ખવાસ અને બે અજાણ્યા માણસોની સામે ફરિયાદ નોંધાવેલ છે જેમાં તેને જણાવ્યુ છે કે, તેના પિતા તથા ભાઈ સાથે આરોપી રાહુલભાઈ, વિનોદભાઈ અને રવિભાઈ બોલાચાલી કરી ગાળો આપી ઝઘડો કરતા હતા જેને સમજાવવા જતા આ કામના આરોપીઓ ઉશ્કેરાઈ જઈ ફરીયાદી તથા સાહેદ સંજનાબેન ને ઢીકા પાટુનો માર મારેલ અને સાહેદ વેલજીભાઈ તથા વિજયભાઈ વચ્ચે પડી છોડાવતા આરોપીઓ જતા રહેલ અને થોડીવાર બાદ રાહુલભાઈ અને વીરુ ખવાસ તથા બે અજાણ્યા માણસો બાઇક લઈને આવ્યા હતા અને ફરિયાદી તથા સાહેદ વેલજીભાઈ અને વિજયભાઈ ને રાહુલભાઈએ છરીના ઘા મારી ગંભીર ઇજા કરી હતી જ્યારે વીરુ ખવાસે વેલજીભાઈ ના કપાળના ભાગે ધોકો મારીને ઇજા કરી હતી આમ આરોપીઓએ ફરિયાદી તથા સાહેદને ગાળો બોલી જાનથી મારી નાખવાની ધમકી આપી હતી જેથી કરીને યુવાને નોંધાવેલ ફરિયાદ આધારે પોલીસે ગુનો નોંધી આગળની કાર્યવાહી હાથ ધરી છે.
