મોરબીમાં પત્ની સાથે ઝઘડો થતાં ગળેફાસો ખાઇ ગયેલ યુવાન સારવારમાં
SHARE
JOIN OUR GROUP
મોરબીમાં પત્ની સાથે ઝઘડો થતાં ગળેફાસો ખાઇ ગયેલ યુવાન સારવારમાં
મોરબીના વીસીપરા નજીક આવેલા વિજયનગર વિસ્તારમાં રહેતા યુવાનને તેની પત્ની સાથે બોલાચાલી ઝઘડો થયો હતો બાદમાં તેથી યુવાને શરીરે કેરોસીન છાંટીને પછી ગળેફાંસો ખાવાનો પ્રયાસ કર્યો હતો જેથી તેને મોરબીની સિવિલે અને બાદમાં રાજકોટ ખસેડાયો હતો
બનાવની જાણવા મળતી વિગતો મુજબ મોરબી સીટી બી ડિવિઝન પોલીસ મથકની હદમાં આવતા વીસીપરા નજીકના વિજયનગરમાં રહેતા ભરત ગીરીશભાઈ ચૌહાણ નામના બત્રીસ વર્ષના યુવાનને તેની પત્ની સાથે કોઈ બાબતે ઝઘડો થયો હતો જેથી કરીને ભરત ચૌહાણે પ્રથમ શરીરે કેરોસીન છાંટી હતું અને બાદમાં પોતે ગળેફાંસો ખાવાનો પ્રયાસ કરતાં તેને અહીંની સિવિલ હોસ્પિટલે સારવાર માટે લાવવામાં આવ્યો હતો અને અહીં પ્રાથમિક સારવાર આપીને વધુ સારવાર માટે તેને રાજકોટ લઇ જવાયો હતો.બનાવની જાણ થતા બી ડિવિઝન પોલીસ મથકના વશરામભાઈ મેતાએ તપાસ હાથ ધરી છે.
મહિલા સારવારમાં
મોરબીના હળવદમાં પંચમુખી ઢોરા વિસ્તારમાં ટેલિફોન એક્સચેન્જ પાસે રહેતી સંગીતાબેન જયેશભાઈ બાબરીયા નામની ૨૮ વર્ષીય મહિલા પોતાના પતિના બાઈકમાં બેસીને ગત તા.૧૫ ના રોજ મોરબી તાલુકાના જીવાપર ગામેથી પરત હળવદ જતા હતા ત્યારે મોરબી તાલુકાના ચકમપર ગામની દરગાહ પાસે તેઓનું બાઈક કોઈ કારણોસર સ્લીપ થઈ જતા ઈજાગ્રસ્ત થયેલા સંગીતાબેન બાબરીયાને અહીંની આયુષ હોસ્પિટલે સારવાર માટે ખસેડાયા હતા.બનાવને પગલે હાલમાં તાલુકા પોલીસ મથકના આર.બી.વ્યાસે આગળની તપાસ હાથ ધરી છે.
યુવાન સારવારમાં
મોરબીના રવાપર ગામ નજીક રહેતો દેવાભાઈ રાજુભાઈ સનારીયા નામનો એકવીશ વર્ષીય રાવળદેવ યુવાન મોરબીના વીસીપરામાં આવેલ સ્મશાનની પાસે અગમ્ય કારણોસર ફિનાઇલ પી જતા તેને સારવાર માટે સિવિલ હોસ્પિટલે લાવવામાં આવ્યો હતો.બનાવની જાણ થતાં વી.ડી.મેતાએ આગળની તપાસ હાથ ધરી છે.
