નવલખી બંદર ઉપર ટ્રક હેઠળ કચડાઈ જવાથી મોરબીના યુવાનનું મોત
SHARE
JOIN OUR GROUP
નવલખી બંદર ઉપર ટ્રક હેઠળ કચડાઈ જવાથી મોરબીના યુવાનનું મોત
મોરબીના નવલખી બંદર ઉપર ટ્રક નીચે કચડાઈ જવાના કારણે મોરબીમાં રહેતા યુવાનનું મોત નીપજયું હતું જેથી તેના મૃતદેહને પીએમ માટે સિવિલે લઈને આવ્યા હતા અને આ બનાવની હોસ્પિટલ મારફતે માળિયા તાલુકા પોલીસ સ્ટેશન ખાતે જાણ કરતા પોલીસે અકસ્માત મૃત્યુના બનાવની નોંધ કરી આગળની રાબેતા મુજબની કાર્યવાહી હાથ ધરી હતી
જાણવા મળતી માહિતી પ્રમાણે મોરબીના નવલખી રોડ ઉપર આવેલ રણછોડનગર વિસ્તારમાં રહેતા રાજેશભાઈ ગોગાભાઈ દેગામા (47) નામનો યુવાન નવલખી બંદર ખાતે હતો ત્યારે ત્યાં ટ્રક હેઠળ કચડાઈ જવાના કારણે તેનું મોત નીપજયું હતું જેથી યુવાનના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે માળિયા મીયાણા તાલુકા પોલીસ સ્ટેશન ખાતે જાણ કરવામાં આવતા પોલીસે અકસ્મતના બનાવની નોંધ કરી આગળની કાર્યવાહી હાથ ધરી હતી અને વધુમાં આ બનાવની આગળની તપાસ કલ્પેશભાઈ ગાંભવા ચલાવી રહ્યા હોય તેઓની પાસેથી મળતી વિગત પ્રમાણે મૃતક રાજેશભાઈ દેગામા નવલખી બંદર ખાતે કોલસા વીણવાનું કામ કરી રહ્યા હતા ત્યારે કોઈ કારણોસર ટ્રક હેઠળ કચડાઈ જવાના કારણે તેનું મોત થયું હતું.
ટ્રકમાં આગ
નવલખી બંદર ખાતે આવેલ જેટી ખાતે કોઈ કારણોસર ટ્રક નંબર જીજે 36 બી 1226 માં આગ લાગી હતી જેથી ટ્રક સળગી ગયો હતો અને આ આગને કાબુમાં લેવા માટે થઈને પાણીનો મારો ચલાવીને આગ કાબુમાં લેવામાં આવી હતી જોકે ટ્રકમાં લાગેલ આગના કારણે ટ્રકમાં નુકસાન થયું હતું અને આ અંગેની માળિયા તાલુકા પોલીસ સ્ટેશન ખાતે જાણ કરવામાં આવતા પોલીસે અકસ્માતના બનાવની નોંધ થઈ આગળની કાર્યવાહી હાથ ધરી છે
