મોરબીમાંથી મોહન-અકરમ નામના બે શખ્સ પાસા હેઠળ જેલહવાલે

મોરબી શહેર અને જીલ્લામાં જુદાજુદા ગુનામાં સંડોવાયેલા શખ્સોની સામે પાસા દરખાસ્ત મૂકવામાં આવે છે અને તે મંજૂર થાય એટ્લે આરોપીને પકડીને જેલ હવાલે કરવામાં આવે છે તેવી જ રીતે  મોરબી શહેરમાં અવાર નવાર વ્યાજ વટાવના ગુનામાં પકડાયેલ આરોપી વિરૂદ્ધ સીટી એ ડિવીઝન પોલીસ દ્વારા પાસા દરખાસ્તર મૂકવામાં આવી હતી જેને મંજૂર કરવામાં આવતા પોલસીએ આરોપી મોહન ઉર્ફે શીવમ ભગવાનજીભાઇ ભુંભરીયા (29) રહે. ત્રાજપર ચોકડી પાસે અંબીકા સોસાયટી મોરબી વાળાને પકડીને જુનાગઢ જેલ હવાલે કરવામાં આવેલ છે જયારે દારૂના ગુનામાં અવાર નવાર પકડાયેલ અકરમ મહેબુબશા શાહમદાર (22) રહે. મકરાણીવાસ મદીના મસ્જીદ પાસે મોરબી વાળાની પણ પાસા દરખાસ્ત મંજૂર કરવામાં આવી હતી જેથી તેને પકડીને વડોદરા જેલ હવાલે કરવામાં આવેલ છે.