ટંકારા-મોરબીમાં જુગારની બે રેડ: પાંચ શખ્સ ઝડપાયા
SHARE
JOIN OUR GROUP
ટંકારા-મોરબીમાં જુગારની બે રેડ: પાંચ શખ્સ ઝડપાયા
ટંકારાના જુના હડમતીયા રોડ ઉપર તથા મોરબીમાં ગેંડા સર્કલ પાસે જુગારની જુદી જુદી બે રેડ કરવામાં આવી હતી ત્યારે કુલ મળીને પાંચ શખ્સો જુગાર રમતા મળી આવ્યા હતા જેથી કરીને સ્થાનિક પોલીસ સ્ટેશનમાં જુગારના ગુના નોંધીને પોલીસ આગળની કાર્યવાહી હાથ ધરી છે.
જાણવા મળતી વિગત પ્રમાણે ટંકારા તાલુકાના જુના હડમતીયા રોડ ઉપર દેવીપુજકવાસમાં ઢોળા પાસે જુગારની રેડ કરવામાં આવી હતી ત્યારે ત્યાં સ્થળ ઉપર જુગાર રમતા પ્રવીણ ઉર્ફે કનો વેલજીભાઈ વાઘેલા (31), અજય વિરજીભાઈ વાઘેલા (24) અને રાકેશ ભાણજીભાઈ વાઘેલા (21) રહે. બધા ટંકારા વાળા જુગાર રમતા મળી આવ્યા હતા જેથી પોલીસે તેની પાસેથી 4,300 ની રોકડ કબજે કરી હતી અને ટંકારા તાલુકા પોલીસ સ્ટેશન ખાતે જુગારધારા હેઠળ ગુનો નોંધાયો છે તો મોરબીમાં ગેંડા સર્કલ પાસે સ્ટ્રીટ લાઇટના અજવાળે બે શખ્સો જુગાર રમતા હોવાની હકીકત આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા રમેશ પોપટભાઈ શિયાળ (40) રહે. ખાખરેચી તાલુકો મોરબી અને સુનિલ રમેશભાઈ રાણેવાડીયા (20) રહે. વાંકાનેર વાળા જુગાર રમતા મળી આવ્યા હોય પોલીસે તેની પાસેથી 800 રૂપિયાની રોકડ કબજે કરી હતી અને બી ડિવિઝન પોલીસ સ્ટેશન ખાતે ગુનો નોંધાયો છે
