મોરબીમાં ઘરમાંથી 144 બીયરના ટીન સાથે એકની ધરપકડ: માલ કયાંથી આવ્યો તે પ્રશ્નાર્થ

મોરબીના સનાળા રોડ ઉપર આવેલ ગુજરાત હાઉસિંગ બોર્ડના રહેણાંક મકાનમાં દારૂ બિયરનો જથ્થો હોવાની હકીકત મળી હતી જેના આધારે પોલીસે ત્યાં રેડ કરી હતી ત્યારે સ્થળ ઉપરથી બિયરના 144 ટીન મળી આવ્યા હતા જેથી કરીને પોલીસે 14,400 ની કિંમતનો મુદ્દામાલ કબજે કર્યો હતો અને આરોપીની ધરપકડ કરીને એ ડિવિઝન પોલીસ સ્ટેશન ખાતે ગુનો નોંધાયો છે

જાણવા મળતી માહિતી મુજબ મોરબી એ ડિવિઝન પોલીસની ટીમ પેટ્રોલિંગ હતી ત્યારે મોરબીના સનાળા રોડ ઉપર આવેલ ગુજરાત હાઉસિંગ બોર્ડમા એમ-25 બ્લોક નંબર-130 માં દારૂ બિયરનો પ્રહલાદસિંહ ઝાલાએ જથ્થો રાખ્યો હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી 144 બિયરના ટીન મળી આવતા 14,400 રૂપિયાની કિંમતનો બિયરનો જથ્થો કબજે કરવામાં આવ્યો હતો અને આરોપી પ્રહલાદસિંહ અર્જુનસિંહ ઝાલા (24) રહે. ગુજરાત હાઉસિંગ બોર્ડ એમ-25 બ્લોક નંબર-133 સનાળા રોડ મોરબી વાળાની ધરપકડ કરી હતી અને તેની સામે એ ડિવિઝન પોલીસ સ્ટેશન ખાતે ગુનો નોંધવામાં આવ્યો છે

બે બીયરના ટીન

મોરબીના બાયપાસ રોડ ઉપર આવેલ ધ્રુવ હોસ્પિટલ સામે જાહેરમાંથી પસાર થયેલા શખ્સને રોકીને પોલીસ દ્વારા ચેક કરવામાં આવતા તેની પાસેથી બે બિયરના ટીન મળી આવ્યા હતા જેથી કરીને પોલીસે 200 ની કિંમતના બિયરના જથ્થા સાથે હિરેન દેવશીભાઈ બાવરવા (32) રહે. ધ્રુવ હોસ્પિટલ સામે સત્કાર પાર્ટી પ્લોટ શિવાલય એપાર્ટમેન્ટ બ્લોક નંબર-301 મોરબી વાળાની ધરપકડ કરી હતી અને તેની સામે એ ડિવિઝન પોલીસ સ્ટેશન ખાતે ગુનો નોંધાયો છે.