મોરબી શહેર-તાલુકામાં જુગારની બે રેડ: પાંચ શખ્સ રોકડ સાથે પકડાયા
Morbi Today
મોરબીમાંથી દારૂની આઠ બોટલ સાથે બે શખ્સની ધરપકડ, એકની શોધખોળ
SHARE
JOIN OUR GROUP
મોરબીમાંથી દારૂની આઠ બોટલ સાથે બે શખ્સની ધરપકડ, એકની શોધખોળ
મોરબીમાં રવાપર ઘુનડા રોડ ઉપર આવેલ ઉમા બંગલો સામેથી પસાર થઈ રહેલા બે શખ્સને રોકીને પોલીસ દ્વારા તેને ચેક કરવામાં આવ્યા હતા ત્યારે તેની પાસેથી દારૂની આઠ બોટલો મળી આવી હતી જેથી પોલીસે 5,600 ની કિંમતનો મુદ્દામાલ કબજે કર્યો હતો અને વધુ એક શખ્સનું નામ સામે આવ્યું હોય ત્રણ શખ્સની સામે ગુનો નોંધીને બાકી રહેલા આરોપીને પકડવા માટે તજવીજ શરૂ કરી છે.
જાણવા મળતી માહિતી પ્રમાણે મોરબીના રવાપર ઘૂનડા રોડ ઉપર આવેલ ઉમા બંગલો સામે રોડ પરથી પસાર થઈ રહેલા બે શખ્સને રોકવામાં આવ્યા હતા અને પોલીસ દ્વારા તેને ચેક કરવામાં આવ્યા હતા ત્યારે તે બંને પાસેથી દારૂની આઠ બોટલો મળી આવી હતી જેથી પોલીસને 5,600 ની કિંમતના દારૂના જથ્થા સાથે દેવરાજ બાબુભાઈ છુસિયા (25) રહે. લીલાપર રોડ ખડીયાવાસ મોરબી અને જયદીપ પ્રભુભાઈ દલસાણીયા (32) રહે. વિવેકાનંદ નગર રવાપર રોડ મોરબી વાળાની ધરપકડ કરી હતી અને તેની પ્રાથમિક પૂછપરછમાં અરવિંદ બાટી રહે. વજેપર મોરબી વાળાનું નામ સામે આવ્યું હોય પોલીસે આ ત્રણેયની સામે એ ડિવિઝન ખાતે ગુનો નોંધીને બાકી રહેલા આરોપીને પકડવા માટે તજવીજ શરૂ કરી છે
અડધી બોટલ દારૂ
વાંકાનેરના નવાપરા પંચાસર રોડ ઉપર આવેલ નાકા પાસેથી પસાર થઈ રહેલા એકટીવા ચાલકને રોકીને પોલીસો ચેક કર્યો હતો ત્યારે તેની પાસેથી દારૂની અડધી બોટલ મળી આવતા પોલીસે 200 ની કિંમતની દારૂની બોટલ સહિતના મુદ્દામાલને કબજે કર્યો હતો અને આરોપી અબ્બાસ ઉર્ફે આમદ આદમભાઈ કટીયા (28) રહે. નવાપરા પંચાસર રોડ વાંકાનેર વાળાની ધરપકડ કરી તેની સામે ગુનો નોંધી આગળની કાર્યવાહી હાથ ધરી છે.
