ટંકારાના મેઘપર ઝાલા ગામે વાડી પાસે જુગાર રમતા પાંચ ઝડપાયા

ટંકારા તાલુકાના મેઘપર ઝાલા ગામે ઉગમણી સીમમાં વાડીની બાજુમાં જાહેરમાં જુગાર રમતા હતા ત્યારે ત્યાં જુગારની રેડ કરી હતી અને સ્થળ ઉપરથી પાંચ શખ્સો જુગાર રમતા મળી આવ્યા હતા જેથી પોલીસે 50500 ની રોકડ સાથે તેની ધરપકડ કરી હતી અને ટંકારા તાલુકા પોલીસ સ્ટેશન ખાતે ગુનો નોંધાયો છે

જાણવા મળતી માહિતી મુજબ ટંકારા તાલુકા પોલીસ પેટ્રોલિંગમાં હતી ત્યારે મેઘપર ઝાલા ગામની ઉગમની સીમમાં અજયસિંહ ઝાલાની વાડીની બાજુમાં જાહેરમાં જુગાર રમતા હતા ત્યાં જુગારની રેડ કરવામાં આવી હતી ત્યારે સ્થળ ઉપરથી અજયસિંહ દેવેન્દ્રસિંહ ઝાલા (34) રહે. મેઘપર ઝાલા, નંદલાલભાઈ કેશવજીભાઈ સવસાણી (60) રહે. હીરાપર, રમણીકલાલ હરજીવનભાઈ રામાનુજ (62) રહે. ટંકારા, સહદેવસિંહ ચંદુભા જાડેજા (51) રહે. પડધરી અને વલ્લભભાઈ રામજીભાઈ તળપદા (45) રહે. મોવૈયા વાળા જુગાર રમતા મળી આવ્યા હતા જેથી કરીને પોલીસે તેની પાસેથી 50500 ની રોકડ કબજે કરી હતી અને ટંકારા તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે

વરલી જુગાર

મોરબીના ભડીયાદ રોડ ઉપર આવેલ વિદ્યાનગર સોસાયટીમાં જાહેરમાં વરલી જુગારના આંકડા લેવામાં આવતા હતા ત્યારે ત્યાં પોલીસે જુગારની રેડ કરી હતી અને સ્થળ ઉપરથી 1160 ની રોકડ સાથે હસમુખભાઈ અતુલભાઇ ત્રિવેદી (21) રહે. ભડીયાદ કાંટા પાસે જીજે-36 પાન સામે મોરબી વાળાની ધરપકડ કરીને મોરબી બી ડિવિઝન પોલીસ સ્ટેશન ખાતે ગુનો નોંધાયો છે