મોરબીમાં ધારાસભ્યની રજૂઆતથી ચાર સુવિધાપથ મંજૂર

મોરબી અને માળિયાના ધારાસભ્ય કાંતિભાઈ અમૃતિયાએ સરકારમાં રજુઆત કરી હતી જેને ધ્યાને લઈને સરકારે મોરબીમાં ચાર સુવિધાપથને મંજૂરી આપેલ છે અને 1.80 કરોડના ખર્ચે કૂલ 5 કિલોમીટરના રસ્તા બનાવવામાં આવશે.

મોરબી અને માળિયાના ધારાસભ્ય કાંતિભાઈ અમૃતિયાએ કરેલી રજૂઆતને ધ્યાને લઈને સરકારે બેલા-શનાળા (ત.) રોડ, નાના ભેલા-તરઘરી રોડ, સ્ટેટ હાઈવેથી નાના દહીંસરા રોડ, સરવડ-દેરાળા રોડ આમ કુલ મળીને પાંચ કિલોમીટરના રસ્તા મંજૂર કરેલ છે અને અંદાજે 1.80 કરોડના ખર્ચે આ સુવિધાપથ બનાવવામાં આવશે અને તેના માટેના જોબ નંબર આપવામાં આવ્યા છે. જેથી આ ગામના લોકોમાં હર્ષની લાગણી છે.