મોરબી જીલ્લામાં વીરપરથી રાજપરને જોડતા રસ્તાને મઢવા માટે કોંગ્રેસની સીએમને રજૂઆત

ટંકારા તાલુકાનાં વીરપર ગામથી મોરબી તાલુકાનાં રાજપરને જોડતો રસ્તો હાલમાં કાચો છે જેથી કરીને આ કાચા રસ્તાને ડામર પટ્ટીથી મઢવા માટે મોરબી તાલુકા કોંગ્રેસના પ્રમુખે સીએમને લેખિતમાં રજૂઆત કરી છે.

મોરબી તાલુકા કોંગ્રેસનાં પ્રમુખ વિજયભાઈ કોટડીયાએ સીએમ ભૂપેન્દ્રભાઈ પટેલને હાલમાં રાજુયતા કરી છે તેમાં જણાવ્યુ છે કે, ટંકારા તાલુકાનાં વીરપરથી રાજપરને જોડતો કાચો રસ્તો છે. તેને ડામર પટ્ટીથી મઢવામાં આવે તો હાઇવે સુધી જવામાં ખૂબ જ ઓછું અંતર થાય તેમ છે અને રાજપરથી હાઇવે સુધી જવા શનાળા તરફ જવું પડે છે જેથી ત્યાં ટ્રાફિકની સમસ્યા ઊભી થાય છે અને અકસ્માતનો બનાવ બને તેવી પણ શક્યતા હોય છે જેથી કરીને લોકોની સુખાકારી માટે આ રોડને બનાવવામાં આવે તે અનિવાર્ય છે.