ટંકારામાંથી દેશી બનાવટની એક પિસ્તોલ સાથે રાજકોટના શખ્સની ધરપકડ

ટંકારાના ખીજડીયા ચોકડીથી અમરાપર ગામ તરફ જવાના રસ્તા ઉપર સિવિલ હોસ્પિટલ પાસેથી એક શખ્સ પસાર થઈ રહ્યો હતો. જેને રોકીને એલસીબીની ટીમ દ્વારા ચેક કરવામાં આવ્યો હતો ત્યારે તેની પાસેથી દેશી બનાવટની એક પિસ્તોલ અને મેગ્જીન મળી આવ્યા હતા જેથી કરીને  પોલીસે હથિયાર કબજે કર્યું હતું અને તેની સામે ટંકારા તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરવામાં આવી છે.

જાણવા મળતી માહિતી મુજબ મોરબી જિલ્લા એલસીબીની ટીમ પેટ્રોલિંગમાં હતી ત્યારે ટંકારા તાલુકાના ખીજડીયા ચોકડીથી અમરાપર ગામ તરફ જવાના રસ્તા ઉપર સિવિલ હોસ્પિટલની પાસેથી એક શખ્સ પસાર થઈ રહ્યો હતો જેને રોકીને પોલીસ દ્વારા ચેક કરવામાં આવ્યો હતો. ત્યારે તે શખ્સ પાસેથી દેશી બનાવટની મેગેઝીન વાળી એક પિસ્તોલ મળી આવી હતી જેથી કરીને પોલીસે 10,500 ની કિંમતનું હથિયાર કબજે કર્યું હતું અને આરોપી સબીરભાઈ રફિકભાઈ મીર (19) રહે. જંગલેશ્વર વિસ્તાર હુસેની ચોક પાસે કનૈયા ચોક શેરી નં-9 રાજકોટ વાળાની ધરપકડ કરી હતી. અને તેની સામે ટંકારા તાલુકા પોલીસ સ્ટેશન ખાતે ગુનો નોંધવામાં આવ્યો છે. આ શખ્સ પાસેથી જાણવા મળેલ હથિયાર તેણે ક્યાંથી મેળવ્યું હતું તે દિશામાં આગળની તપાસ હાથ ધરવામાં આવી છે, અને આ કામગીરી એલસીબીના ઇન્ચાર્જ પીઆઇ એમ.પી.પંડ્યાની સૂચના મુજબ પીએસઆઇ કે.એચ. ભોચીયા અને તેની ટીમ દ્વારા કરવામાં આવી હતી.