મોરબી નજીકના કારખાનેથી આઇસરમાં ૩.૨૭ લાખનો માલ ભરીને ડિલરને ન પહોચાડી વાહન ચાલક-માલિકે કરી છેતરપિંડી
Morbi Today
વાંકાનેરનાં સતાપર ગામે રૂપિયાની ઉઘરાણી કરવા આવેલા ૩ શખ્સોએ બાઈકમાં તોડફોડ કરી આધેડને માર માર્યો
SHARE
JOIN OUR GROUP
વાંકાનેરનાં સતાપર ગામે રૂપિયાની ઉઘરાણી કરવા આવેલા ૩ શખ્સોએ બાઈકમાં તોડફોડ કરી આધેડને માર માર્યો
વાંકાનેર તાલુકાનાં સતાપર ગામે આધેડ પોતાની વાડીએ પડોશીની સાથે બેઠા હતા ત્યારે પાડોશી ખેડૂતો પાસે રૂપિયાની ઉઘરાણી કરવા માટે ત્રણ શખ્સો આવ્યા હતા અને કોઈ કશું જ સમજે તે પહેલા ત્રણેય શખ્સો દ્વારા બાઈકમાં તોડફોડ શરૂ કરવામાં આવી હતી અને આધેડે તેઓને રોકવા જતાં તેને પથ્થર વડે અને ઢીકાપાટુનો માર માર્યો હતો જેથી આધેડે વાંકાનેર તાલુકા પોલીસ સ્ટેશને ફરિયાદ નોંધાવી છે જેના આધારે પોલીસે આરોપીઓને પકડવા માટે ચક્રોગતિમાન કરેલ છે.
બનાવની જાણવા મળતી માહિતી મુજબ વાંકાનેર તાલુકાનાં સતાપર ગામે રહેતા સવસીભાઇ કલાભાઇ ધરજીયા જાતે કોળી (ઉ.૫૦) એ હાલમાં રવીભાઇ હેમતભાઇ કોળી, સુનીલભાઇ નારણભાઇ કોળી અને રાધવભાઇ ગોરધનભાઇ કોળી રહે. બધા ત્રાજપર મોરબી વાળાની સામે ફરિયાદ નોંધાવી છે જેમાં તેને જણાવ્યુ છે કે, તેઓ પોતાની વાડીએ હતા અને બાજુની વાડી વાળા મનસુખભાઇ કેશાભાઇનું બાઇક વાડીએ પડેલ હતું ત્યારે આરોપીએ ત્યાં બુલેટ લઈને આવીને મનસુખભાઇ કેશાભાઇ પાસે રૂપીયા લેવા હતા જેથી આરોપીઓએ મનસુખભાઇના બાઈકમા તોડફોડ કરી નુકશાન કરી હતી જેથી તેઓએ નુકશાન કરવાની ના પાડતા ફરિયાદીને છુટા પથ્થરના ઘા છાતીમાં તથા હાથે પગે ઢીકા પાટુનો મુંઢ માર મારી ઇજા કરેલ હતી તેમજ આરોપી રવીભાઇ હેમતભાઇ કોળીએ જાનથી મારી નાખવાની ધમકી આપી હતી જેથી યુવાને ફરિયાદ નોંધાવતાં પોલીસે આઇ.પી.સી.કલમ ૩૨૩, ૩૩૭, ૪૨૭, ૫૦૪, ૫૦૬(ર), ૧૧૪ તથા જી.પી.એકટ ૧૩૫ મુજબ ગુનો નોંધીને આરોપીઓને પકડવા માટે તજવીજ શરૂ કરેલ છે.
