મોરબીમાંથી બાઈકની ચોરી કરનાર શખ્સ ચોરાઉ બાઇક સાથે ઝડપાયો

મોરબીના રેલ્વે સ્ટેશન સામે જાહેર શૌચાલયની પાસે યુવાને પોતાનું બાઈક પાર્ક કરીને મૂક્યું હતું જે બાઈકની ચોરી કરવામાં આવી હતી જેથી કરીને ભોગ બનેલા યુવાને મોરબી એ ડિવિઝન પોલીસ સ્ટેશન ખાતે ચોરીની ફરિયાદ નોંધાવેલ છે તેવામાં રવાપર ઘુનડા રોડ ઉપર મોરબી એ ડિવિઝન પોલીસની ટીમ પેટ્રોલિંગમાં હતી ત્યારે ત્યારથી બાઈક લઈને પસાર થઈ રહેલા શખ્સને રોકીને પોલીસ દ્વારા ચેક કરવામાં આવતા તેની પાસેથી ચોરાઉ બાઈક મળી આવતા પોલીસે ૨૫,૦૦૦ રૂપિયાની કિંમતના બાઈક સાથે રીઢા આરોપીની ધરપકડ કરી આગળની કાર્યવાહી હાથ ધરી છે

બનાવની જાણવા મળતી માહિતી મુજબ મોરબીના નાનીવાવડી ગામે રહેતા તરુણભાઈ ગંગારામભાઈ કાચરોલા જાતે પટેલ (૪૬)એ મોરબી એ ડિવિઝન પોલીસ સ્ટેશન ખાતે રાકેશભાઈ કરસનભાઈ સોલંકી રહે. ઉગમણા નાકે ખડીયાવાસ ટંકારા વાળાની સામે ચોરીની ફરિયાદ નોંધાવેલ છે જેમાં તેમણે જણાવ્યું છે કે, મોરબીના રેલ્વે સ્ટેશન પાસે આવેલ જાહેર શૌચાલય પાસે તેને પોતાનું બાઈક નંબર જીજે ૩ ડીએચ ૪૫૮૭ પાર્ક કરીને મૂક્યું હતું જે ૨૫,૦૦૦ રૂપિયાની કિંમતના બાઈકની ચોરી કરવામાં આવી હતી જેથી કરીને ભોગ બનેલા યુવાને નોંધાવેલ ફરિયાદ આધારે પોલીસે આરોપીને પકડવા માટે તજવીજ શરૂ કરી હતી તેવામાં મોરબી એ ડિવિઝન પોલીસ સ્ટેશનના રાજદીપસિંહ રાણા, ધર્મેન્દ્રભાઈ વાઘડિયા અને સિધ્ધરાજસિંહ જાડેજા મોરબીના રવાપર ઘુનડા રોડ ઉપર પેટ્રોલિંગમાં હતા ત્યારે ત્યાંથી પસાર થઈ રહેલા બાઇક ચાલકને રોકીને તેની પાસેથી બાઈકના કાગડો માંગવામાં આવતા તેની પાસેથી સંતોષકારક જવાબ મળ્યો ન હતો જેથી કરીને પોકેટ કોપ એપ્લિકેશનથી બાઈકની ડિટેલ સર્ચ કરવામાં આવતા આ બાઈક ચોરી કરેલું હોવાનું સામે આવ્યું હતું જેથી કરીને પોલીસે ૨૫,૦૦૦ રૂપિયાની કિંમતના ચોરાઉ બાઇક સાથે આરોપી રાકેશભાઈ કરસનભાઈ સોલંકીની ધરપકડ કરી હતી અને આગળની રાબેતા મુજબની કાર્યવાહી હાથ ધરી છે અને વધુમાં પોલીસ સૂત્રો પાસેથી જાણવા મળતી માહિતી મુજબ આ આરોપીની સામે ટંકારા, ધ્રોલ અને રાજકોટ પોલીસ સ્ટેશનમાં દારૂ, મારામારી અને જુગારની ફરિયાદો અગાઉ નોંધાયેલ છે