ટંકારા નજીક અકસ્માત કરીને આધેડનું મોત નિપજાવનાર સરકારી ટાટા સુમો ગાડીના ચાલક સામે ગુનો નોંધાયો

ટંકારાના જબલપુર ગામના પાટીયા પાસેથી સરકારી ગાડી પસાર થઈ રહી હતી ત્યારે સરકારી ગાડી ડીવાઈડર કુદીને સામેની સાઈડ આવી ગઈ હતી અને ત્યાં ગાડી અને બાઈક અકસ્માત થયો હતો જેમાં આધેડને ગંભીર ઇજા થયેલ હોવાથી તેનું મોત નીપજયું હતું જે બનાવમાં મૃતકના દીકરાએ હાલમાં ટંકારા તાલુકા પોલીસ સ્ટેશને ટાટા સુમો ગાડીના ચાલકની સામે ફરિયાદ નોંધાવતાં પોલીસે ગુનો નોંધીને આગળની કાર્યવાહી કરેલ છે

જાણવા મળતી માહિતી પ્રમાણે હાલમાં મુળ અબડાસા મોટી સુળધ્રો હાલે ટંકારા પોલીસ સ્ટેશન પાછળ સંધીવાસ  ઇમ્તીયાજભાઇ સાલેમામદભાઇ કેર જાતે મુસ્લીમ (૨૩)એ ટંકારા તાલુકા પોલીસ સ્ટેશન ખાતે ટાટા સુમો ગાડી નંબર જીજે ૩ જી ૧૮૨૮ ના ચાલક સામે ફરિયાદ નોંધાવેલ છે જેમાં તેને જણાવ્યુ છે કે, ટંકારા તાલુકાનાં જબલપુર ગામના પાટીયા નજીક આવેલ ઇન્દ્રપ્રસ્થ-૨ સોસાયટીની સામે જામનગર તરફથી આવતી ટાટા સુમો ગાડી જીજે ૩ જી ૧૮૨૮ ના ચાલકે ગાડી ડીવાઈડર ઉપર ચલાવીને લોખંડનો પાઇપ તોડીને સામેના ભાગે રોડ ઉપર ગાડીને લઈ આવી હતી ત્યારે સામેથી ફરિયાદીના પિતા સાલેમામદ ઓસમાણભાઇ કેર (૫૦) રહે, મોટી સુરધ્રો વાળા  બાઇક નંબર જી.જે ૧૨ એચ.બી ૦૧૪૫ લઈને આવી રહ્યા હતા ત્યારે તેના બાઇકને હડફેટે લેતા તેઓને ગંભીર ઇજા થયેલ હતી જેથી કરીને તેનું મોત નીપજયું હતું હાલમાં આ બનાવમાં મૃતકના દીકરાએ નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે અને આ બનાવની ટંકારા તાલુકા પોલીસના આઈ.ટી. જામ આગળની વધુ તપાસ કરી રહ્યા છે