હળવદના સુરવદર ગામે કુવા પાસે પગ લપસતા સાડીનો ફાંસો આવી જતાં મહિલાને સારવારમાં ખસેડાઇ

હળવદ તાલુકાના સુરવદર ગામે રહેતી મહિલા ગામમાં આવેલ કુવા પાસે હતી ત્યારે ત્યાં તેનો પગ લપસતા ગળાના ભાગે સાડી વીંટાઈ ગઈ હતી જેથી તે મહિલાને ફાંસો આવી ગયો હતો અને તે મહિલાને તાત્કાલિક સારવાર માટે મોરબીના સનાળા રોડ ઉપર આવેલ ખાનગી હોસ્પિટલ ખાતે લઈને આવ્યા હતા ત્યા સારવાર આપ્યા બાદ આ બનાવની પ્રથમ મોરબી સીટી એ ડિવિઝન પોલીસને જાણ કરતા પોલીસે બનાવી નોંધ કરીને રાબેતા મુજબની કાર્યવાહી કરેલ હતી

જાણવા મળતી માહિતી મુજબ હળવદ તાલુકાના સુરવદર ગામે રહેતા માનુબેન દિનેશભાઈ ડાંગર (૨૫) નામની મહિલા ગામમાં આવેલ કુવા પાસે હતી ત્યારે ત્યાં કોઈ કારણોસર અકસ્માતે પગ લપસી જતા ગળાના ભાગે સાડી વીંટાઈ ગઈ હતી જેથી કરીને તેને ફાંસો લાગી જતા તાત્કાલિક તેને સારવાર માટે મોરબી શહેરના શનાળા રોડ ઉપર આવેલ ક્રિષ્ના હોસ્પિટલ ખાતે લઈને આવ્યા હતા અને ત્યાં તેને સારવાર આપવામાં આવ્યા બાદ આ બનાવ અંગેની હોસ્પિટલ મારફતે મોરબી એ ડિવિઝન પોલીસને જાણ કરતા પોલીસે બનવાની નોંધ કરી આગળની કાર્યવાહી હાથ ધરી હતી અને આ બનાવની પ્રાથમિક તપાસ હરેશભાઈ ચાવડા દ્વારા કરવામાં આવી હતી જોકે આ બનાવ હળવદ તાલુકા પોલીસની હદમાં બનેલો હોય ત્યાં આ બનાવની જાણ કરવા માટે કવાયત હાથ ધરી છે

અકસ્માતમાં ઇજા

મોરબી શહેરના નવલખી રોડ ઉપર આવેલ યમુનાનગરમાં રહેતા શિલ્પાબેન ધર્મેશભાઈ વિરડા (૩૮) નામની મહિલાને વાહન અકસ્માતના બનાવમાં ઇજા થયેલ હતી જેથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ હરેશભાઈ ચાવડા દ્વારા કરવામાં આવેલ છે