મોરબી જીલ્લામાં જૂની પેન્શન યોજના લાગુ કરવા શિક્ષકો સહિત કર્મચારીઓ ઓનલાઈન કામગીરીનો કરશે બહિષ્કાર
Morbi Today
મોરબી જિલ્લા કોર્ટમાં ચાલી ગયેલ લાંચિયા અધિકારી-પદાધિકારીના પતિની જામીન અરજી કોર્ટે ફગાવી
SHARE
JOIN OUR GROUP
મોરબી જિલ્લા કોર્ટમાં ચાલી ગયેલ લાંચિયા અધિકારી-પદાધિકારીના પતિની જામીન અરજી કોર્ટે ફગાવી
મોરબી જિલ્લાના હળવદ તાલુકામાં માર્ગ અને મકાન વિભાગમાં ફરજ બજાવતા અધિક મદદનીશ ઈજનેરે રોડના કામના બિલ મંજુર કરવા લાંચ માંગી હતી અને માળીયા (મી)ના તરઘરી ગામના મહિલા સરપંચના પતિએ બાવળ કાપવાની મંજૂર માટે લાંચ માંગી હતી જે બંને જુદાજુદા સમયે એસીબીના છટકામાં પકડાઈ ગયા હતા અને જામીન ઉપર છૂટવા માટે અરજી કરી હતી જેમાં જિલ્લાના સરકારી વકીલ દ્વારા કરવામાં આવેલ દલીલો ધ્યાને લઇ બન્ને આરોપીઓની જામીન અરજીને કોર્ટે ફગાવી દીધેલ છે
હળવદ માર્ગ અને મકાન વિભાગ કચેરીના મદદનીશ અધિક ઈજનેર ઉમંગ પ્રવીણભાઈ ચૌધરીએ રોડના કામમાં બિલ મંજુર કરવા અઢી લાખની લાંચ માંગી હતી તે કેસમાં એસીબીએ તેની ધરપકડ કરી હતી અને જેલ હવાલે કરેલ છે તેવી રીતે માળીયા (મી)ના તરઘરી ગામના મહિલા સરપંચના પતિ મુકેશભાઈ હમીરબાઈ પરમારે બાવળ કાપવાની મંજૂરી માટે લાંચ માંગી હતી જે ગુનામાં એસીબીએ તેની ધરપકડ કરી હતી અને જેલ હવાલે કરેલ છે આ બન્ને આરોપીઓએ જામીન ઉપર છૂટવા જામીન અરજી કરી હતી જેની સામે મોરબી જિલ્લાના સરકારી વકીલ વિજયભાઈ જાનીએ ધારદાર દલીલો કરી હતી જેને ધ્યાને રાખીને કોર્ટે બન્ને આરોપીઓની જામીન અરજી ફગાવી દીધેલ છે
