મોરબીની ત્રાજપર ચોકડી પાસે ટ્રક ચાલકે હડફેટે લેતા ઇજા પામેલ યુવાન સારવારમાં
Morbi Today
મોરબીના નાનીવાવડી ગામે રોડ ક્રોસ કરતાં યુવાનને ઇકો ગાડીના ચાલકે હડફેટે લેતા અકસ્માત: ઇજાગ્રસ્ત યુવાન સારવારમાં
SHARE
JOIN OUR GROUP
મોરબીના નાનીવાવડી ગામે રોડ ક્રોસ કરતાં યુવાનને ઇકો ગાડીના ચાલકે હડફેટે લેતા અકસ્માત: ઇજાગ્રસ્ત યુવાન સારવારમાં
મોરબી તાલુકાના નાનીવાવડી ગામ પાસે ચાલીને રોડ ક્રોસ કરી રહેલા યુવાનને ઇકો ગાડીના ચાલકે હડફેટે લીધો હતો જેથી કરીને અકસ્માતનો બનાવ બન્યો હતો અને અકસ્માતના બનાવમાં યુવાનને મોઢા અને માથામાં ઇજાઓ થઈ હોવાથી ઇજાગ્રસ્ત યુવાનને સારવાર માટે પ્રથમ મોરબી અને ત્યાંથી વધુ સારવાર માટે રાજકોટ લઈ જવામાં આવેલ છે અને હાલમાં ભોગ બનેલા યુવાનના પિતા દ્વારા મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે આરોપીને પકડવા માટે તજવીજ શરૂ કરેલ છે
બનાવની જાણવા મળતી માહિતી મુજબ મૂળ દાહોદ જિલ્લાના રહેવાસી અને હાલમાં મોરબી તાલુકાના નાનીવાવડી ગામ પાસે ઈશ્વરીયા મહાદેવ મંદિર તરફ જવાના રસ્તા ઉપર કેનાલ પાસે ઝૂંપડામાં રહેતા કેશિયાભાઈ ગોરચંદભાઈ ભુરીયા જાતે આદિવાસી (૪૯)એ હાલમાં ઇકો ગાડી નંબર જીજે ૩૬ એસી ૭૪૦૮ ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યુ છે કે, મોરબીના નાની વાવડી ગામથી બગથળા ગામ તરફ જવાના રસ્તા ઉપર શાંતિનગર સોસાયટી સામેથી તેનો દીકરો કૈલાશ કેશીયાભાઈ ભુરીયા (૨૭) નામનો ચાલીને રોડ ક્રોસ કરી રહ્યો હતો દરમિયાન ઇકો ગાડીના ચાલકે તેને હડફેટે લેતા અકસ્માતનો બનાવ બન્યો હતો અને અકસ્માતના આ બનાવમાં ફરિયાદીના દીકરાને માથા, મોઢા અને પગના ભાગે ગંભીર ઇજા થઈ હતી અને આરોપી પોતાના હવાલા વાળી ગાડી ત્યાં મૂકીને નાસી ગયો હતો. જેથી કૈરને યુવાનને સારવાર માટે પ્રથમ મોરબી અને ત્યાંથી વધુ સારવાર માટે રાજકોટ લઈ જવામાં આવેલ છે અને હાલમાં ભોગ બનેલા યુવાનના પિતાએ નોંધાવેલ ફરિયાદ આધારે પોલીસે ઇકો ગાડીના ચાલક સામે ગુનો નોધી આરોપીને પકડવા માટે તજવીજ શરૂ કરી છે
