વાંકાનેરના કોઠી ગામે ઘરની બહાર પાર્ક કરેલા બાઈકની ચોરી
SHARE
JOIN OUR GROUP
વાંકાનેરના કોઠી ગામે ઘરની બહાર પાર્ક કરેલા બાઈકની ચોરી
વાંકાનેર તાલુકાના કોઠી ગામે ઘરની બહાર પાર્ક કરેલા બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને ૪૦ હજાર રૂપિયાની કિંમતના બાઈકની ચોરી થઈ હોવાની યુવાને ફરિયાદ નોંધાવતાં પોલીસે ગુનો નોંધીને આરોપીને પકડવા માટે તજવીજ શરૂ કરી છે
જાણવા મળતી માહિતી મુજબ મોરબી શહેરના સામાકાંઠા વિસ્તારમાં આવેલ ત્રાજપર શેરી નં-૮ માં રહેતા લક્ષ્મણભાઈ મેરૂભાઈ ગોલતર જાતે ભરવાડ (૪૨)એ હાલમાં વાંકાનેર તાલુકા પોલીસ સ્ટેશન ખાતે અજાણ્યા શખ્સની સામે ચોરીની ફરિયાદ નોંધાવી છે જેમાં તેને જણાવ્યુ છે કે વાંકાનેર તાલુકાના કોઠી ગામે રહેતા મહેશભાઈ રાઘવાભાઈ મુંધવાના ઘર પાસે તેણે પોતાનું બાઈક નંબર જીજે ૩૬ કે ૮૧૮૨ પાર્ક કરીને મૂક્યું હતું જે ૪૦ હજાર ની કિંમતના બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને ભોગ બનેલા યુવાને નોંધાવેલ ફરિયાદ આધારે પોલીસે ચોરીનો ગુનો નોંધી આરોપીને પકડવા માટે તજવીજ શરૂ કરી છે
અકસ્માતમાં ઇજા
મોરબી તાલુકાના ચાચાપર ગામે રહેતા ગૌરવ રસિકભાઈ ચાપાણી (૩૦) નામનો યુવાન મોરબી થી ચાચાપર ગામ તરફ ગાડી લઈને જઈ રહ્યો હતો ત્યારે સામેથી આવેલ ગાડીની લાઇટમાં આંખ અંજાઈ જવાના કારણે રોડ સાઈડમાં તેની ગાડી ઉતરી ગઈ હતી જેથી કરીને અકસ્માતના બનાવમાં ગૌરવ ચાપાણીને ઇજાઓ થયો હોવાથી ખાનગી હોસ્પિટલમાં સારવાર માટે લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને વધુ તપાસ એસ.વી. સોલંકી ચલાવી રહ્યા છે
ઝેરી દવા પીધી
મોરબી તાલુકાના જીવાપર ગામે જયંતીભાઈ ખીમજીભાઈની વાડીએ રહેતા અને મજૂરી કામ કરતા રેખાબેન મોરવભાઈ ભુરીયા (૨૨) નામની મહિલા કોઈ કારણોસર જીરામાં છાંટવાની ઝેરી દવા પી ગઈ હતી જેથી કરીને તેને તાત્કાલિક સારવાર માટે મોરબી તાલુકાના જેતપર ગામે આવેલ સામૂહિક આરોગ્ય કેન્દ્ર ખાતે લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરેલ છે અને વધુ તપાસ વી.એસ. ડાંગર ચલાવી રહ્યા છે
