મોરબીના રવાપર ગામે રહેતો યુવાન ઘરેથી કંઇ કહ્યા વિના ગુમ, જાણ કરાતા પોલીસ તપાસ શરૂ
Morbi Today
મોરબીની રફાળેશ્વર ચોકડીએ એક્ટિવા ચાલક આધેડને કચડી નાખનારા ટ્રક ચાલકની ધરપકડ
SHARE
JOIN OUR GROUP
મોરબીની રફાળેશ્વર ચોકડીએ એક્ટિવા ચાલક આધેડને કચડી નાખનારા ટ્રક ચાલકની ધરપકડ
મોરબીના કેનાલ રોડ ઉપર આવેલ રામકો બંગલોની પાછળના ભાગમાં રહેતા આધેડ પોતાનું એકટીવા લઈને મોરબીની રફાળેશ્વર ચોકડી પાસેથી પસાર થઈ રહ્યા હતા ત્યારે તેના એકટીવાને ટ્રક ચાલકે હડફેટે લીધું હતું જેથી અકસ્માતનો બનાવ બનેલ હતો અને અકસ્માતના બનાવમાં આધેડના માથા ઉપરથી ટ્રકના વ્હીલનો જોટો ફરી ગયો હતો જેથી માથું ચગદાઈ જવાના કારણે તેનું ઘટના સ્થળે મોત નીપજયું હતું અને ટ્રક ચાલક તેનો ટ્રક રેઢો મૂકીને નાસી ગયો હતો જેથી કરીને મૃતક આધેડના ભાઈએ મોરબી તાલુકા પોલીસ સ્ટેશન ખાતે ટ્રક ચાલક સામે ફરિયાદ નોંધાવી હતી જેના આધારે પોલીસે આરોપીની ધરપકડ કરીને આગળની કાર્યવાહી કરેલ છે
જાણવા મળતી માહિતી પ્રમાણે મૂળ બગથળા ગામના રહેવાસી અને હાલમાં મોરબીમાં કેનાલ રોડ ઉપર રામકો બંગલોની પાછળના ભાગમાં અમૂલ્યમ એપાર્ટમેન્ટ બ્લોક નં-૫૦૧ ખાતે રહેતા રાજેશભાઈ છગનભાઈ મેરજા જાતે પટેલ (૫૦) નામના આધેડ પોતાનું એકટીવા નંબર જીજે ૩૬ એ ૦૮૧૦ લઈને મોરબી વાંકાનેર હાઇવે ઉપર આવેલ રફાળેશ્વર ગામ પાસે રફાળેશ્વર ચોકડી નજીકથી પસાર થઈ રહ્યા હતા ત્યારે ટ્રક નંબર જીજે ૧૨ એટી ૮૧૮૧ ના ચાલકે તેને હડફેટે લીધા હતા જેથી અકસ્માતનો બનાવ બન્યો હતો અકસ્માતના આ બનાવમાં રાજેશભાઈ મેરજાના માથા ઉપરથી ટ્રકના ટાયરનો જોટો ફરી જવાના કારણે તેનું માથું ચગડાઈ ગયું હતું જેથી તેનું ઘટના સ્થળે જ મોત નીપજયું હતું અને ટ્રક ચાલક પોતાનું વાહન સ્થળ ઉપર મૂકીને નાશી ગયો હતો અને અકસ્માતના આ બનાવમાં મૃતક રાજેશભાઈ મેરજાના મોટાભાઈ ધીરજલાલ છગનભાઈ મેરજા જાતે પટેલ (૫૬) રહે. બગથળા તાલુકો મોરબી વાળાએ ટ્રક ચાલકની સામે ફરિયાદ નોંધાવી હતી જેના આધારે તપાસનીસ અધિકારી પીએસઆઈ બી.એમ. બગડા અને તેની ટીમે આરોપી શિવજી પોપટભાઈ કાનાદ જાતે જોગી (૪૫) રહે. જોગી વાસ મોટા સલાયા મંગલેશ્વર તળાવ પાસે માંડવી ભુજ કચ્છ વાળાની ધરપકડ કરેલ છે
