મોરબીના ઘૂટું નજીક કારખાનાના ગેઇટ સામે કોઈ કારણોસર અજાણ્યા યુવાનનું મોત
Morbi Today
વાંકાનેરના ઢુવા ગામે ઘરના ફળીયામાં પોલીસે ખાડો ખોદતા દારૂની ૧૦૮ મળી: એક શખ્સની ધરપકડ, એકની શોધખોળ
SHARE
JOIN OUR GROUP
વાંકાનેરના ઢુવા ગામે ઘરના ફળીયામાં પોલીસે ખાડો ખોદતા દારૂની ૧૦૮ મળી: એક શખ્સની ધરપકડ, એકની શોધખોળ
વાંકાનેર તાલુકાના ઢુવા ગામે રહેતા શખ્સના ઘરની અંદર દારૂનો જથ્થો હોવા અંગેની સ્થાનિક પોલીસને હકીકત મળી હતી જેના આધારે પોલીસે ત્યાં દારૂની રેડ કરી હતી અને તે શખ્સના ઘરમાં ફળિયામાં પોલીસે ખાડો ખોદતા ત્યાંથી દારૂની 108 બોટલો મળી આવી હતી જેથી કરીને પોલીસે હાલમાં ઘરધણીની ધરપકડ કરેલ છે અને આ શખ્સે જેની પાસેથી દારૂ મેળવ્યો હતો તેનું નામ સામે આવ્યુ હોય પોલીસે તેની સામે પણ ગુનો નોંધી તેને પકડવા માટે તજવીજ શરૂ કરી છે
જાણવા મળતી વિગતો પ્રમાણે વાંકાનેર તાલુકા પોલીસ સ્ટેશનની ટીમ પેટ્રોલિંગમાં હતી ત્યારે મયુરધ્વજસિંહ જાડેજા અને રવિભાઈ કલોતરાને મળેલ ખાનગી બાતમી આધારે વાંકાનેર તાલુકાના ઢુવા ગામે રહેતા મુકેશભાઈ બાબુભાઈ કારેલીયાના રહેણાંક મકાનમાં દારૂની રેડ કરી હતી ત્યારે તેના ઘરમાં ફળિયામાં પોલીસ દ્વારા ખાડો ખોદવામાં આવ્યો હતો અને ત્યારે ત્યાંથી પ્લાસ્ટિકના મોટા ઝબલામાંથી દારૂની જુદી જુદી બ્રાન્ડની કુલ મળીને ૧૦૮ બોટલો મળી આવી હતી જેથી કરીને પોલીસે ૪૨,૯૦૦ ની કિંમતનો દારૂનો જથ્થો સ્થળ ઉપરથી કબજે કર્યો હતો અને આ શખ્સની પ્રાથમિક પૂછપરછમાં તેણે આ દારૂની બોટલો રમેશભાઈ ચોથાભાઈ કિહલા રહે. સુદામડા તાલુકો સાયલા જિલ્લો સુરેન્દ્રનગર વાળા પાસેથી મેળવી હોવાની કબૂલાત આપેલ છે જેથી કરીને પોલીસે તેની સામે પણ ગુનો નોંધીને તે શખ્સને પકડવા માટે તજવીજ શરૂ કરેલ છે
