મોરબીના આંદરણા પાસેથી ૯૨ બોટલ દારૂ ભરેલ રિક્ષા સાથે એક શખ્સની ધરપકડ

મોરબી હળવદ હાઇવે ઉપર આવેલ આંદરણા ગામની સીમમાં આવેલ હોટલ સામે રસ્તા ઉપરથી રીક્ષા પસાર થઇ રહી હતી જે રીક્ષાને રોકીને પોલીસ દ્વારા ચેક કરવામાં આવતા રિક્ષામાંથી દારૂની ૯૨ બોટલો મળી આવી હતી જેથી કરીને પોલીસે દારૂ અને રીક્ષા મળીને ૧,૨૭,૬૦૦ રૂપિયાની કિંમતના મુદ્દામાલ સાથે એક શખ્સની ધરપકડ કરેલ છે

જાણવા મળતી માહિતી પ્રમાણે મોરબી તાલુકા પોલીસની ટિમ પેટ્રોલિંગમાં હતી ત્યારે મોરબી હળવદ હાઇવે ઉપર આવેલ આંદરણાના ગામની સીમમાં રામદેવ હોટલ સામે રસ્તા ઉપરથી ઓટો રિક્ષા નંબર જીજે ૨૪ ડબલ્યુ ૮૧૪૨ પસાર થઈ રહી હતી ત્યારે તે રીક્ષાને રોકીને પોલીસ દ્વારા ચેક કરવામાં આવતા રિક્ષામાંથી દારૂની ૯૨ બોટલો મળી આવી હતી જેથી કરીને પોલીસે ૨૭,૬૦૦ નો દારૂનો જથ્થો તથા એક લાખ રૂપિયાની કિંમતની રીક્ષા આમ કુલ મળીને ૧,૨૭,૬૦૦ ના મુદ્દામાલ સાથે આરોપી ભરતસિંહ અભેસિંહ વાઘેલા જાતે દરબાર (૩૬) રહે. વડા તાલુકો કાંકરેજ જીલ્લો બનાસકાંઠા વાળાની ધરપકડ કરેલ છે અને તેની સામે મોરબી તાલુકા પોલીસ સ્ટેશન ખાતે ગુનો નોંધી આ શખ્સ પાસેથી મળી આવેલ દારૂની બોટલો તે ક્યાંથી લાવ્યો હતો અને કોને આપવાનો હતો તે દિશામાં તપાસ શરૂ કરવામાં આવી છે